Një aeroplan, i cili po barte parashutistë, është rrëzuar në zonën e Republikës së Tatarstanit në Rusi, ndërsa dyshohet se nga ky aksident kanë mbetur të vdekur 16 persona dhe shtatë të tjerë kanë përfunduar të plagosur.
Sipas Ministrisë ruse të Emergjencave, aeroplani ishte i tipit “L-410” dhe po barte 23 persona, ndërsa përplasja kishte ndodhur rreth orës 9:22 sipas kohës lokale dhe vetëm shtatë persona nga bordi janë shpëtuar deri më tani.
Nga shtatë të lënduarit, një prej tyre është raportuar të jetë në gjendje kritike, ndërkohë që nga pamjet e publikuara në rrjet mund të vihet re aeroplani i ndarë në gjysmë.
Так сейчас выглядит место крушения самолёта L-410 в Татарстане.
На борту находилось 22 человека: парашютисты и члены местного аэроклуба. Здесь работают скорая и службы. pic.twitter.com/abpOcDIoir
— AB (@ABnewsReal) October 10, 2021
Standardet ruse të sigurisë së aviacionit janë përmirësuar vitet e fundit, por aksidentet, veçanërisht duke përfshirë avionët e vjetruar në rajonet e largëta, nuk janë të rralla.
Edhe një aeroplan tjetër me sistem të vjetruar – “Antonov An-26”, u rrëzua në lindjen ruse muajin e kaluar, nga ku mbetën të vdekur gjashtë persona.
Ndërkaq, në muajin korrik, si pasojë e një komplikimi të një aeroplanit po ashtu të tipit “Antonov An-26”, i cili më pas ishte rrëzuar në tokë, saktësisht në Kamchatka të Rusisë, kishte humbur jetën një ekuipazh i tërë prej 28 personave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com