Qindra të burgosur lufte – përfshirë luftëtarët britanikë të kapur – mund të detyrohen të marshojnë nëpër Sheshin e Kuq të Moskës gjatë paradës ushtarake të Ditës së Fitores më 9 maj.
Lajmi u bë i ditur nga gazeta britanike “The Times”, duke cituar një institut kërkimor.
Qendra për Strategjitë e Mbrojtjes me bazë në Ukrainë tha se 500 luftëtarë të kapur mund të ‘detyrohen të kalojnë nëpër Sheshin e Kuq për kamerat’.
Parada vjetore ushtarake e presidentit rus Vladimir Putin mbahet më 9 maj për të shënuar përvjetorin e përfundimit të luftimeve në Evropë gjatë Luftës së Dytë Botërore, në vitin 1945.
Çdo vit, mijëra ushtarë rusë marshojnë nëpër sheshin e kuq të famshëm të Moskës, ndërsa tregojnë pajisjet më të fundit të vendit – duke përfshirë tanke, artileri, raketa bërthamore dhe automjete të blinduara – ndërsa avionët luftarakë fluturojnë sipër tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com