Presidenti rus, Vladimir Putin, ka mbajtur një fjalim në stadiumin “Luzniki” në Moskë para mijëra njerëzve.
Në stadium, qytetarët rusë ishin grumbulluar për përvjetorin e aneksimit të Krimesë (të rrëmbyer nga Ukraina në vitin 2014) në Federatën Ruse.
Ministria e Brendshme Ruse përllogariti pjesëmarrjen e 200 mijë njerëzve të mbledhur brenda dhe jashtë objektit sportiv.
Ngjarja u transmetua drejtpërdrejt në televizion nën titullin “Për një botë pa nazizëm, për Rusinë, për presidentin”.
Dirigjentët fiksuan “Z” në xhupin e tij, që dallon trupat që pushtuan Ukrainën.
Fjalimi
Vladimir Putin hyri në stadium në orën 14:15.
Ai mbante veshur një xhup blu dhe një pulovër me qafë.
“Banorët e Krimesë duan të jetojnë në tokën e tyre, me atdheun e tyre historik, Rusinë”, u shpreh fillimisht presidenti rus.
Në vijim, ai shtoi se “ata” – referuar banorëve – bënë gjënë e duhur duke kundërshtuar “nazistët”.
Më tej, Putin tha se qeveria ukrainase po organizonte operacione ndëshkuese ushtarake kundër Donbas-it.
“Ne ndërhymë me një operacion special për të ndaluar një gjenocid të rusëve: tani do të realizojmë planet tona”, shtoi presidenti rus.
Udhëheqësi i Kremlinit citoi edhe vargje nga Bibla.
“Nuk ka dashuri më të madhe se sa të japësh shpirtin për miqtë; në Rusi shohim një unitet që nuk ekziston për një kohë të gjatë”, theksoi ai, ndërsa perifrazonte Ungjillin e Shën Gjonit.
Fjalimi i Putinit zgjati pak më shumë se dy minuta dhe përfundoi me ovacione nga i gjithë stadiumi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Opozita sllovake shpreson se votimi evropian do ta frenojë kryeministrin populist
-
“Borrell i vendosi masa Kosovës pa një vendim të Këshillit Evropian, ndërsa tash kërkon konsensusin e 27-të vendeve anëtare”
-
Nëntë persona të tjera pranohen në procesin gjyqësorë ndaj ish krerëve të UÇK-së
Lajmet kryesore
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Finalja e Superiores do të arbitrohet nga Anthony Taylor
-
Opozita sllovake shpreson se votimi evropian do ta frenojë kryeministrin populist
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë