Osmani takon nënsekretaren amerikane të Shtetit: E informova për përkushtimit tonë shtetëror për forcimin e sundimit të ligjit
Presidentja e Kosovës, Vjosa Osmani, është takuar në Kosta Rikë me Uzra Zeya, nënsekretaren amerikane të Shtetit për Siguri Civile, Demokraci dhe të Drejta të Njeriut në Administratën e Presidentit Joe Biden.
“Nënsekretaren Zeya e informova për progresin e Kosovës në drejtim të përmbushjes së zotimeve në kuadër të Samitit për Demokraci, përfshirë themelimit të Këshillit për Demokraci dhe të Drejtave të Njeriut, si dëshmi e përkushtimit tonë shtetëror për forcimin e sundimit të ligjit, demokracisë, rolit të gruas në shoqërinë kosovare, avancimin e të drejtave dhe lirive të njeriut si dhe bashkëpunimin me shoqërinë civile dhe mediat”, ka shkruar Osmani në Facebook.
Osmani ka theksuar se “në këtë kohë kur demokracitë anë e mbanë botës janë bërë cak i drejtpërdrejt i tendencave gjithnjë e në ngritje autoritare,”
“Samiti për Demokraci është platforma që ka bashkuar vendet nga 4 anët e globit në përpjekje për të konsoliduar vlerat demokratike dhe për t’i promovuar e fuqizuar tutje ato”.
Presidentja Osmani gjendet në Kosta Rika ku do të marrë pjesë në inaugurimin e presidentit të ri të këtij vendi, Rodrigo Chaves.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani takon Hovenierin: Vazhdimi i masave është i padrejtë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Biden thotë se protestat e dhunshme nuk mbrohen, ato paqësore po
-
Microsoft njofton 2.2 miliardë dollarë në AI, investim në cloud në Malajzi
Lajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Osmani takon Hovenierin: Vazhdimi i masave është i padrejtë