Ndryshe nga opinioni publik, kriptovalutat nuk janë “parajsa” për kriminelët anonim.

Në fakt, për shkak të analitikës inteligjente të blockchain-it, është më e lehtë të ndjekësh shtigjet e parave të kaluara nëpër këtë rrjet sesa rrugët e pagesave të zakonshme.

Ajo që është ende e vështirë për t’u kuptuar – të paktën për momentin – është identiteti i kriminelëve që përdorin adresa të ndryshme blockchain-i për të lëvizur fondet e vjedhura.

Avivah Litan, analiste e shquar në agjencinë e kërkimeve dhe studimeve, Gartner Research, shkruan për web faqen e kriptovalutave CoinDesk, përse pagesat me kripto janë më transparente sesa ato me para në dorë.

Rrjeti i blockchain është më transparentë se rrjetet e pagesave me para në dorë (fiat)

Blockchains janë platforma shumë më të lehta për gjurmimin e pagesave kriminale sesa kanë qenë ndonjëherë sistemet e pagesave të vjetra. Sot, rreth 23 blockchain publik përbëjnë rreth 99% të kapitalit total të tregut të kriptomonedhave. Kjo do të thotë që sistemet e zbulimit të mashtrimeve duhet të integrohen me vetëm 23 platforma, në vend të mijëra rrjeteve të pagesave fiat.

Pjesa e më e vështirë e kësaj mënyre është kthimi i të dhënave të ndërlikuara të platformave blockchain, në informacion kuptimplotë. Nëse kjo arrihet, njohuritë e automatizuara mund t’i ndihmojnë përdoruesit të shohin të gjitha platformat e blockchain, të gjurmojnë pagesat, adresat kriminale të dyshimta dhe të identifikojnë lëvizjet e shpeshta të parave.

Inteligjenca e blockchain, në zhvillim e sipër

Platformat e shitjes së kriptove si Chainalysis Ciphertrace, Elementus dhe TRM Labs, ofrojnë informacione mbi gjurmët e parave tek autoritetet që hetojnë hack-imet. Shërbimet e tyre përdoren gjithnjë e më shumë me qëllim parandalimin e mashtrimeve.

Në vitin 2021, hack-imet e profilit të lartë rezultuan në kriminelët që të kthenin fondet e vjedhura ose në disa raste janë gjetur edhe nga autoritetet. Kriminelët e kanë të vështirë të fshihen nga hetuesit, të cilët mund të identifikojnë adresat ku janë derdhur fondet e vjedhura. Pasi fondet e vjedhura të dallohen dhe shënohen nga autoritetet, nuk mund të zhvendosen lehtësisht nga blockchain pa u kapur nga palët vigjilente dhe forcat e rendit.

Thjesht po bëhet më e vështirë për kriminelët që të lëvizin fondet e vjedhura nga rrjetet e kriptove.

Lidhja e adresave me identitetin, mungon.

Zbulimi i adresave të blockchain, të përdorura nga kriminelët, nuk jep identitetin e pronarit të adresës. Asnjë procedurë për të identifikuar përdoruesin nuk kërkohet për të përdorur një blockchain.

Disa startup-e mbushin këtë boshllëk të njohjes së identitetit për forcat e rendit që synojnë kriminelët ose investitorët që analizojnë strategji të suksesshme investimi.

Këto startup-e identifikojnë pronarët e adresave duke përdorur algoritme për të lidhur adresat anonime me profilet e rrjeteve sociale, vendndodhjet gjeografike, numrat celularë dhe adresat e emailit. Ata mbledhin të dhëna edhe nga Dark Web-i, rrjetet sociale dhe forumet me burim të hapur.

Qindra kompani angazhohen tashmë në grumbullimin e të dhënave të ngjashme për të mbështetur autoritetet, marketingun apo raste të tjera të dobishme, duke gjeneruar tregje fitimprurëse të të dhënave me vlerë miliarda dollarë.

Fundi i ‘Perëndimit të egër’

Është thjesht mit që rrjetet blockchain janë parajsë kriminale. Raportet nga Task Forca e Veprimit Financiar (FATF) dhe ofruesit e inteligjencës blockchain konfirmojnë fort faktin që sistemi është transparent dhe i sigurt.

Pa dyshim, kriminelët do ta kenë gjithnjë e më të lehtë të fshihen në lëmshin e ngatërruar të mijëra sistemeve të vjetra sesa në rrjete transparente blockchain, të cilët janë shumë më pak.

Së fundi, nocioni se përdoruesit në internet  kontrollojnë identitetin e tyre dhe mund të mbeten anonim, është i vërtetë, tani për tani. Individët, kriminelë ose jo, do të kenë zero kontroll mbi hapjen e adresa blockchain me profile të fshehta ose anonime, Kjo, sepse rregulloret e reja, të tilla si “Rregulli i Udhëtimit” i FATF-së, reduktojnë privatësinë e adresave duke detyruar ekspozimin e të dhënave të lidhura me informacionin personal të identifikueshëm.

Në fund, shumica e kriminelëve do të humbasin në të dy nivelet, në fshehjen e transaksioneve me blockchain dhe në fshehjen e identiteteve të tyre të botës reale.