Ndërsa lajmi për fitoren e Luiz Inacio Lula da Silva u përhap, një turmë e kuqe – ngjyrat e Partisë së tij të Punëtorëve – u mblodh në rrugën kryesore të Sao Paulos, të etur për të parë presidentin e zgjedhur.
“Lula u kthye”, thërriste turma, teksa lëshonin tymin e kuq në festë.
E, da Silva i siguronte se ishte një fushatë shumë e vështirë.
“Nuk ishte Lula kundër Bolsonaros, ishte një fushatë e demokracisë kundër barbarisë”.
E pëlqeni ose e urreni atë, fakti që Lula, dikur politikani më popullor i Brazilit, po rikthehet në krye të detyrës është një moment në histori.
“Ndihem e lirë, e lehtësuar jo vetëm për popullin brazilian, por për të gjithë planetin – për Amazonën, për demokracinë, për të drejtat e njeriut”, tha 47-vjeçarja Viridiana Aleixo, ndërsa pranoi se Brazili mbeti shumë i ndarë.
Njëzet vjet më parë, Lula erdhi në pushtet duke premtuar ndryshime të mëdha – por një rënie e mëvonshme për skandalet e korrupsionit e skualifikoi atë nga kandidimi në vitin 2018.
Ai kishte një dënim në burg, përpara se akuzat e tij të anuloheshin.
Ka qenë goxha një rrugëtim për Lulën, por ai është kthyer me hakmarrje.
“Kam kaluar një ringjallje politike, sepse u përpoqën të më varrosnin të gjallë”, tha Lula.
“Nga 1 janari nuk do të ketë dy Brazil, ne jemi një – ne nuk duam të luftojmë më, është koha për të hedhur armët tona që nuk duhet të ishin ngritur kurrë në radhë të parë”.
Por bashkimi i Brazilit do të jetë sfida më e madhe e Lulës.
Të dielën, 24-vjeçari Felipe Fonte shkoi për të votuar i veshur me fanellën e futbollit të Brazilit, një ngjyrë që është lidhur me ekstremin e djathtë të Brazilit.
“Unë mendoj se Presidenti Jair Bolsonaro ka shumë të meta, por ai është një njeri i Zotit”, thotë Felipe duke shtuar se ai ka parimet e duhura dhe nuk është hajduti më i madh që ka ekzistuar ndonjëherë në Brazil.
Edhe pse Lula e merr zyrtarisht detyrën në vitin e ri, puna e tij fillon tani – duke u përpjekur të fitojë njerëz si Felipe.
“Duke filluar nga sonte, fokusi duhet të jetë në fillimin e një dialogu me ata që nuk votuan për presidentin”, thotë Oliver Stuenkel, profesor i marrëdhënieve ndërkombëtare në Fondacionin Getulio Vargas në São Paulo.
Në vazhdën e fitores së Lulës, nga kampi i Bolsonaro pati heshtje.
Thashethemet ishin se ai kishte shkuar në shtrat.
Ndoshta një humbës i keq, por ekziston një shqetësim i vërtetë nëse Bolsonaro dhe ndjekësit e tij më radikalë do ta pranojnë votimin.
“Unë mendoj se ne po përballemi me disa ditë dhe javë potencialisht të tensionuara”, thotë Stuenkel.
Por ndërsa bota pret të dëgjojë nëse Bolsonaro do ta pranojë rezultatin ose do ta kundërshtojë atë, siç ka kërcënuar shpesh të bëjë, një gjë është e sigurt: ky është një lajm i mirë për demokracinë.
Ndërsa Lula mund të jetë i njëjti politikan, ai do të udhëheqë një Brazil që është shumë i ndryshëm – dhe shumë më i ndarë – nga ai që mori nën kontroll 20 vjet më parë.
Dhe kjo vjen në një kohë vështirësish të thella ekonomike.
Jo vetëm kaq, por ndërsa Bolsonaro largohet – shpresohet – trashëgimia e tij do të mbetet në Kongres dhe në politikën rajonale.
Lula do të duhet të luftojë me ligjvënësit konservatorë në çdo gjë që do të bëjë.
A do të jetë Lula edhe një herë shpëtimtari i Brazilit, ashtu siç e shohin ende shumë nga mbështetësit e tij?
Të dielën në mbrëmje në Avenida Paulista, ata ishin me shpresë.
“Është koha për të shkuar, Bolsonaro”, brohoritën ata.
Lula është kthyer – dhe ai është këtu për të ndryshuar Brazilin.
Marrë nga “BBC”, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com