Aktgjykimi u shpall të hënën nga gjykatësja, Valbona Musliu-Selimaj.
Siç, ka njoftuar, Themelorja, për veprën penale “Sulm ndaj personit zyrtar”, Orloviç u dënua me 15 muaj burgim”, ndërsa për veprën penale “Pjesëmarrja në turmë që kryen vepër penale dhe huliganizëm” u dënua me 12 mijë euro gjobë.
“Dënimi do të ekzekutohet menjëherë pas plotfuqishmërisë së këtij aktgjykimi, derisa koha e kaluar në masën e paraburgimit nga data 23 qershor 2023 do t’i llogaritet në dënimin e shqiptuar me burgim”, tha gjykatësja Musliu Selimaj.
Gjykatësja Musliu-Selimaj njoftoi se me aktvendim të veçantë të akuzuarit Orloviç do t’i vazhdohet masa e paraburgimit deri në kohëzgjatje të dënimit.
Nenad Orloviç, ka pranuar fajësinë për sulm ndaj KFOR-it dhe Policisë së Kosovës në Zveçan, që kishte ndodhur në maj të 2023-së.
Pranimi i fajësisë ka ardhur pas marrëveshjes me Gjykatën Themelore në Prishtinë, Prokurorisë Speciale të Kosovës dhe të akuzuarit Orloviç.
Më 20 qershor, Policia e Kosovës kishte njoftuar se ka arrestuar një person në Zveçan, i dyshuar për sulm ndaj trupave të misionit të NATO-s në Kosovë, KFOR, në maj të vitit të kaluar.
“Njësia policore gjatë realizimit të detyrave ligjore në një pikë kontrolli kanë ndaluar të dyshuarin mashkull kosovar dhe gjatë verifikimit ka rezultuar se është i kërkuar për sulmin ndaj KFOR-it dhe zyrtarëve policor afër objektit të Komunës”, thuhej në njoftimin e policisë.
Aty theksohej se i dyshuari është arrestuar dhe i njëjti pas intervistimit me vendim të prokurorit është dërguar në mbajtje.
Si pasojë e sulmeve të serbëve në Veri të vendit kishin mbetur të lënduar dhjetëra ushtarë të KFOR-it, kryesisht italianë dhe serbë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
CorrWatch: MPB shkeli ligjin, vendosi në listë të ngushtë kandidatë që s’i plotësonin kriteret për drejtor të ASHI-së
-
Kurti pret në takim lamtumirës ambasadoren e Holandës
-
Prokuroria ngrit aktakuzë kundër shtatë personave për korrupsion
-
LDK dorëzon kërkesën për vendosjen e shtatores së Leotrim Ahmetit në oborrin e Kuvendit
Lajmet kryesore
-
Sondazhi: VV dhe Guxo 41%, PDK 19.6, LDK 19.2 dhe AAK-Nisma 6%
-
Ols Rama shpjegon nga SPAK të vërtetën e tij për “Xibrakën”
-
Trump, “fituesi” i debatit të Atlantës: Strategjia ‘prit dhe shih’ dhe 30 lajme të rreme në fjalën e tij
-
Censi: Në Tiranë jetojnë 32% e popullatës, Kukësi dhe Gjirokastra më pak të banuarit