![](https://albanianpost.com/wp-content/uploads/2021/08/AP21243453397880-scaled.jpg)
Emigrimi është kthyer përsëri në krye të agjendës së Bashkimit Evropian.
Ministrat e brendshëm të vendeve anëtare pritet të takohen në Bruksel për të diskutuar mbi ardhjen e mundshme masive të refugjatëve që largohen nga sundimi i talebanëve në Afganistan.
Ministrat, së bashku me përfaqësuesit e Komisionit Evropian, do të përpiqen të përcaktojnë një strategji kolektive për të ndihmuar në stabilizimin e rajonit dhe për të siguruar që kufijtë e BE-së të mos mbingarkohen nga ardhja e papritur e azilkërkuesve.
Rrjeti televiziv evropian “Euronews” ka siguruar një deklaratë të ministrave, ku theksohet nevoja për të rritur mbështetjen për vendet fqinje dhe transite.
BE-ja është e vendosur të shmangë përsëritjen e krizës emigratore të vitit 2015 kur më shumë se 1 milion emigrantë mbërritën në kufijtë e jashtëm të bllokut.
Në atë kohë, afganët ishin grupi i dytë më i madh i refugjatëve, pas sirianëve.
Në deklaratë u bëhet thirrje vendeve të BE-së që të shmangin “stimujt për emigracionin ilegal”.
Termi “emigrim ilegal” kundërshtohet, për shkak të konotacioneve të tij kriminale.
Komisioni preferon të përdorë “migrimin e parregullt” për komunikimet e tij zyrtare.
Siguria është një temë tjetër që përsëritet në të gjithë tekstin.
Gjithashtu ministrat i kanë bërë thirrje Frontex, agjencisë së BE-së përgjegjëse për menaxhimin e kufirit, të bllokojë hyrjet e paautorizuara, të ndihmojë shtetet anëtare të vijës së parë dhe të kryejë kontrolle sigurie.
Takimi i jashtëzakonshëm i së martës në Bruksel zhvillohet vetëm disa orë, pasi Shtetet e Bashkuara të Amerikës përfunduan operacionet e tyre të evakuimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
GJKKO lë në burg kreun e bandës së Shijakut, Astrit Avdyli
-
Konjufca thotë se Borrelli favorizoi Serbinë: Kjo do të ndryshojë pas ardhjes së Kallasit në krye të diplomacisë së BE-së
-
Ndarja nga jeta e Kadaresë, BE: Zëri i tij i fuqishëm i përkthyer bëri jehonë në gjithë Evropën e më gjerë
-
Sllovenia do ta përkrahë rrugëtimin evropian të Kosovës | Zupançiç: Dialogu Prishtinë-Beograd, rruga e vetme përpara
Lajmet kryesore
-
Ismail Kadare, gjiganti i letërsisë shqipe
-
Skandali te Onkologjiku/ Rama: Është krim kundër njerëzimit, Koçiu prezanton masat
-
Rezultatet përfundimtare të raundit të parë në Francë: e djathta ekstreme 33.1%, e majta 27.9
-
Konjufca: Kushtet e Kurtit shumë të arsyeshme, s’ka paqe në rajon pa u dënuar sulmuesit e Banjës