Marrëveshja Kosovë-Serbi, brenda javësh, thotë Bilchik

Eurodeputeti i Parlamentit Evropian dhe raportuesi për Serbinë, Vladimir Bilchik, ka thënë se një marrëveshje ndërmjet Kosovës dhe Serbisë mund të arrihet për disa javë apo muaj dhe se një gjë e tillë është realiste.

“Një marrëveshje mund të arrihet brenda disa javësh ose muajsh, kjo është realiste. Ajo që nevojitet është mirëkuptimi i ndërsjellë dhe përkushtimi për zgjidhjen e problemeve. Tani shohim se Beogradi dhe Prishtina janë shumë larg njëri-tjetrit. Ne kemi parë një përparim vitin e kaluar kur ishte fjala për kartat e identitetit, por pamë gjithashtu dallime të shumta – retorikë të polarizuar, dhunë për natën e Krishtlindjeve ortodokse që potencialisht mund të çojë në një tragjedi serioze”, tha Blichik për Kosov Online.

Ai ka theksuar se Kosova duhet të gjejë zgjidhje për formimin e Asociacionit të Komunave me Shumicë Serbe, teksa ka shtuar se “kjo është pjesë e premtimit dhe askush nuk do të heqë dorë prej tij”.

“Në fund, duhet të jetë një marrëveshje, një kompromis, por edhe diçka që mund ta ndihmojë Serbinë të shkojë më shumë vendosmëri në rrugën drejt Bashkimit Evropian. Të përsëris edhe herë, treni i zgjerimit po lëviz. Ne duam që Serbia të jetë në fillim të atij treni, në këtë moment nuk është aty. Megjithatë, ka potencial që të jetë, por politikanët në Beograd duhet të marrin disa vendime të rëndësishme”.

Ai foli edhe për aplikimin e Kosovës për anëtarësim në Bashkimin Evropian, duke shtuar se viti i kaluar ka qenë i mirë për sa i përket zgjerimit dhe autoritetet në Prishtinë kanë përfituar nga kjo situatë.

“Pa normalizimin e këtyre marrëdhënieve, mendoj se është e vështirë të flitet për të ardhmen evropiane të shumicës së rajoneve, po ashtu më duhet të them sinqerisht, autoritetet në Prishtinë po punojnë me ne me vendosmëri në drejtim të harmonizimit të qëndrimeve brutaleve ruse dhe kjo është diçka që presim nga Beogradi”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.