Një grup pa emër brenda Iranit ka publikuar të premten e 14 tetorit kartën e ashtuquajtur të lëvizjes “gratë, jetë, liri”.
Lajmi u bë i ditur nga korrespondenti ndërkombëtar i “Independent”, Borzou Daragahi.
Qëllimi i këtij grupi është krijimi i “Republikës së Iranit”.
Pra, shteti laik nuk ndërhyn në asnjë lloj feje (duke përfshirë besimet dhe ritualet); politika e jashtme e bazuar në interesin kombëtar.
Prioriteti ynë, shkruhet në kartën e publikuar, është mbrojtja e të drejtave të grave.
“Barazia ligjore dhe lehtësimi i roleve sociale të grave janë qëllimet kryesore të rishkrimit të ligjeve dhe rregulloreve”, thekson pika e dytë e kartës.
Grupimi anonim sqaron se vija e kuqe është integriteti territorial i vendit.
“Qeverisja e çdo fshati, lagjeje, qyteti dhe krahine është përgjegjësi e banorëve të atij rajoni; Mbrojtja e trashëgimisë natyrore dhe kulturore të Iranit është një detyrë kombëtare”, vijon njoftimi i tyre.
Metoda që ata kërkojnë është një tranzicion paqësor me këmbëngulje në këtë drejtim.
Pra, e drejta e mbrojtjes legjitime kundër shtypjes së dhunshme është e rezervuar.
“Ne besojmë se qeverisja e mazhorancës bëhet përmes zgjedhjeve të lira. Shumica nuk mund të shkelë të drejtat themelore të pakicës; Kushtetuta do të përfshijë lirinë e tubimit dhe shoqërimit, ndalimin e censurës së qeverisë, mbrojtjen e privatësisë dhe të drejtat e njeriut”, thekson karta e grupit anonim.
Sipas tyre, qëllimi është ofrimi i mundësive të barabarta, lirive civile dhe nevojave për mirëqenie për të gjithë qytetarët.
“Irani është pronë e përbashkët e të gjithë iranianëve, pavarësisht nga gjinia, gjuha, përkatësia etnike, orientimi seksual, feja dhe klasa; Qeveria është e detyruar të eliminojë të gjitha format e diskriminimit”, vijon karta me shtatë pika.
Propozimi i grupit anonim për të formuar një qeveri kalimtare nga një përfaqësues që mbron “bijat e revolucionit” me praninë e fraksioneve që u përmbahen këtyre parimeve.
“Agjenda e qeverisë është një amnisti e përgjithshme, për një komision faktmbledhës për t’iu përgjigjur viktimave për integrimin e IRGC-së në ushtrinë profesionale (heqja e rekrutimit), për të zgjidhur çështjen bërthamore dhe për të adresuar situatën ekonomike”, ravijëzon në përmbyllje deklarata e publikuar në Twitter.
Ky manifestim, nënvizon grupi anonim iranian, është botuar për diskutim dhe si aleat të “gruas, jetës, lirisë”.
Daragahi deklaron se ky manifestim është mbledhur nga një grup aktivistësh politikë dhe intelektualësh në Teheran që përfshin gra dhe burra.
Ata duan një shpërndarje sa më të gjerë që të jetë e mundur, si dhe diskutim dhe kontribut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
