Policia italiane arrestoi 49 persona në një operacion kundër mafias kalabreze “Ndrangheta”.
Ndaj mafias kalabreze rëndojnë akuza në cilësi të ndryshme si, grup i strukturuar mafioz, blerje votash, trafik droge, armëmbajtje pa leje, vrasje në tentativë dhe mosrespektim i dënimit. Operacioni u zhvillua në Rosarno, Polistena, Anoia, në Reggino dhe provincat e Messina-s, në Vibo Valentia, në Salerno, Matera, Brindisi, Taranto, Alessandria dhe Pavia.
Mes të arrestuarve është dhe kryebashkiaku i Rosarno-s, Giuseppe Idà. Autoritetet policore njoftuan se kryebashkiaku është zgjedhur në vitin 2006. Dyshohet se klani vendas i Pisano-s ka mbështetur kryebashkiakun gjatë zgjedhjeve.
Në arrest shtëpie është dhe një këshilltar i Komunës së Rosarno-s, Domenico Scriva. Zyrtarët akuzohen për blerjen e votave nga mafia.
Rreth 350 mafiozë vendas dhe bashkëpunëtorët e tyre të dyshuar do të përballen me mbi 400 akuza, në gjyqin më të madh që nga gjyqi i ‘Cosa Nostra-s’ në Sicili në vitet 1986-1992 .
“Ndrangheta” është mafia më e fuqishme në Itali. Ajo kontrollon tregtinë e kokainës në Evropë. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com