Me 77 vota për deputetët e Kuvendit të Kosovës kanë votuar për dërgimin e kontingjentit Forcës së Sigurisë së Kosovës jashtë vendit, përkatësisht në dërgimin në operacionin për mbështetjen e paqes sipas marrëveshjes implementuese lidhur me atashimin e personelit të FSK-së në Ishujt Falklands.
Të martën, në mbledhjen e 110-të që u zhvillua në mënyrë elektronike, qeveria propozoi dërgimin e shtatë pjesëtarëve të FSK-së në arkipelagun e Atlantikut Jugor.
“Misioni i FSK-së do të jetë në mbështetje të paqes në Ishujt Falklands dhe gjatë këtij misioni do t’i nënshtrohet marrëveshjes së nënshkruar me Mbretërinë e Bashkuar”.
“FSK në këtë mision do të jetë nën komandën e Forcave të Armatosura të shtetit pritës dhe financiarisht mbulohet nga Buxheti i Republikës së Kosovës”.
Ishujt Falkland
Në vitin 1982, Argjentina dhe Mbretëria e Bashkuar u përfshinë në një luftë që njihet si Lufta e Falklands apo “Guerra de las Malvinas”.
Kjo ishte një luftë dhjetë-javore mbi dy territore të varura britanike në Atlantikun e Jugut.
Konflikti filloi më 2 prill, kur Argjentina pushtoi Ishujt Falkland, pasuar nga pushtimi i Gjeorgjisë Jugore të nesërmen.
Më 5 prill, qeveria britanike dërgoi një task-forcë detare për të angazhuar Marinën dhe Forcën Ajrore Argjentinase përpara se të bënte një sulm amfib në ishuj.
Konflikti zgjati 74 ditë dhe përfundoi me një dorëzim argjentinas më 14 qershor, duke i kthyer ishujt nën kontrollin britanik. Në total, 649 personel ushtarak argjentinas, 255 ushtarakë britanikë dhe tre banorë të ishullit Falkland u vranë gjatë luftës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Komisioni Hetimor për TIMS publikon listën e dëshmitarëve që do të pyeten: Balla, Rrumbullaku e Hyseni mes tyre
-
“VLEN”: Jemi fitues absolut në kampin shqiptar
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Mucunski nga VMRO – DPMNE: BDI-ja do të shkojë në opozitë
Lajmet kryesore
-
“Fronti Evropian” shpallë fitoren
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Rama ‘sfidon’ drejtësinë e SPAK të zbardhë të vërtetën, pasi Bardhi tha se është thirrur të dëshmojë për çështjen e “rihapur” ndaj Olsi Ramës
-
“VLEN”: Jemi fitues absolut në kampin shqiptar