Kryeministri i Kosovës, Albin Kurti, ka pritur në takim lamtumirës këtë të premte ambasadorin e Republikës së Çekisë në Kosovë, Pavel Bilek.
Siç njofton zyra e kryeministrit “në një takim të përzemërt, kryeministri e falënderoi ambasadorin Bilek për bashkëpunimin e shkëlqyer dhe angazhimin për avancimin e marrëdhënieve mes Republikës së Kosovës dhe Republikës Çeke”.
“Falënderim i shprehu edhe për mbështetjen e vazhdueshme të Republikës Çeke për Republikën e Kosovës në organizatat dhe forumet ndërkombëtare”.
Aty thuhet se kreu i ekzekutivit i ka kujtuar se bashkëpunimi i mirë në mes të Kosovës dhe Republikës Ceke “është shënuar vitin e kaluar me dorëzimin në kryeqytetin e Republikës Çeke, në Pragë, të Aplikacionit për anëtarësim e Kosovës në Bashkimin Evropian”.
“Ngjarje historike për Kosovën dhe qytetarët, dhe rrugëtimin drejt Bashkimit Evropian si aspiratë dhe fat i Republikës së Kosovës”.
“Presidenca Çeke në gjashtëmujorin e dytë të vitit të kaluar, ishte shumë e suksesshme për Republikën tonë. Ajo ka ndihmuar që të përparojmë drejt integrimit në Bashkimin Evropian me rastin e pranimit të aplikacionit për anëtarësim në BE dhe ka kontribuar aktivisht në liberalizimin e vizave për qytetarët e Kosovës”.
Nga ana tjetër, po ashtu ambasadori Bilek ka veçuar si moment “për librat e historisë dorëzimin në Pragë të aplikacionit për anëtarësim në Bashkimin Evropian dhe forcimin e marrëdhënieve tregtare”.
“Teksa ndanë dhurata për njëri-tjetrin, Kryeministri Kurti i uroi fat e i dëshiroi suksese të mëtejme ambasadorit Bilek në angazhimet e tij të radhës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardiqi jep dorëheqje nga Bordi Drejtues i ShSKUK-së
-
Shqipëria drejt prodhimit të dokumenteve digjitalë të identifikimit
-
Selmanaj për aferën me ambalazhues: Aliu nga konfuziteti tha shumë të pavërteta – është në siklet të madh
-
Propozimi për Tribunal Ndërkombëtar, Osmani: Skandaloze, flet për mentalitetin hakmarrës të VMRO-së
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit