Avokatët e ish-ministrit të Mjedisit, Lefter Koka kanë kërkuar për bashkimin e dy dosjeve të inceneratorit të Fierit dhe Elbasanit.
Kërkesa është bërë me pretendimin se është e njëjta çështje.
Seanca për inceneratorin e Fierit – e cila ishte e përcaktuar për t’u zhvilluar këtë të mërkurë – është shtyrë në datën 1 shkurt.
Ndërsa nga ana tjetër, është caktuar që sot të mbahet seanca dhe për çështjen e inceneratorit të Elbasanit.
Një muaj më parë, Prokuroria e Posaçme kundër Korrupsionit dhe Krimit të Organizuar paraqiti kërkesën për gjykim për ish-ministrin Mjedisit, Lefter Koka dhe ish-deputetin socialist Alqi Bllako.
Koka akuzohet për disa vepra penale si shpërdorim detyre, korrupsion pasiv dhe pastrim i produkteve të veprimtarisë kriminale.
Ndërsa, ish-deputeti akuzohet për veprën penale “shpërdorim detyre” gjatë kohës që mbante postin e këshilltarit në Ministrinë e Mjedisit.
Të akuzuar janë persona të tjerë si shtetasit Klodjan Zoto, Pëllumb Abeshi, Azem Shatëri, Erjon Murataj, Florjan Muçaj.
SPAK ka evidentuar faktet penale në fazën e ndjekjes së procedurës për dhënien e koncesionit, si dhe në fazën e zbatimit të kësaj kontrate koncesioni.
Nga hetimi ka rezultuar se nga kreditimi i TVSH-së, bërë nëpërmjet faturimeve fiktive, i është shkaktuar dëm ekonomik buxhetit të shtetit, në vlerën totale 59 milion e 950 mijë lekë.
Gjatë hetimit është vendosur masë e sigurimit pasuror “sekuestro preventive” mbi pasuritë e të pandehurve Lefter Koka, Alqi Bllako dhe Klodian Zoto, që kanë përfituar në mënyrë të parregullt, me qëllim kërkimin e konfiskimit të vleftës së përfituar në mënyrë të parregullt.
Pas kërkesës së bërë nga organi procedues, Gjykata e Posaçme e Shkallës së Parë për Korrupsionin dhe Krimin e Organizuar vendosi katër masa sigurie.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Osmani takon Hovenierin: Vazhdimi i masave është i padrejtë
