Shtyhet mbledhja e Komisionit për Energjinë, VV kërkon që Thaçi e Veselit të ftohen dëshmitarë
Është shtyrë për një ditë tjetër mbledhja e Komisionit Hetimor për Energjinë, i cili do të hetojë proceset vendimmarrëse në këtë sektor për periudhën 2006-2022.
Deri te kjo erdhi pasi partitë opozitare nuk e kanë votuar listën e propozuar nga deputeti i Lëvizjes Vetëvendosje, Armend Muja, për t’i ftuar si dëshmitar në Komisionin Hetimor për Energjinë.
Deputeti i Lëvizjes Vetëvendosje, Arbër Rexhaj, ka kërkuar që të ftohen për raportim ish-presidenti i Kosovës, Hashim Thaçi dhe ish-kryetari i Kuvendit Kadri Veseli.
Por, kryetari i Komisionit nga radhët e Partisë Demokratike të Kosovës, Hajdar Beqa, ka theksuar se “nëse mundet kryeministri Kurti me i marrë nga Haga dhe me i sjellë këtu, atëherë ne po pajtohemi”.
Ndërsa deputeti i Lidhjes Demokratike të Kosovës, Armend Zemaj, ka kërkuar që të ftohen për të raportuar ish-ministrja e Energjisë Justina Shiroka-Pula dhe ish-ministri i Financave Bedri Hamza.
Po ashtu është propozuar nga deputeti i LV-së, Armend Muja që të ftohet për raportim edhe ish-drejtori i Korporatës Energjetike të Kosovës, Arben Gjukaj.
Ai iu përgjigjur kritikave të opozitës duke thënë se kjo listë nuk është politike e as e pretenduar kundër ndonjë personi.
“Nuk kemi pretendime kundër asnjë personi, por arsyeja është se këta persona kanë pasur dorë në vendimmarrje”, theksoi Muja
Ky Komision është formuar më 5 maj të këtij viti për hetimin e procesit të energjisë në vend që nga viti 2006 deri në vitin 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Xi Jinping, Escobar: I shërben rritjes së tensioneve mes Serbisë dhe Perëndimit
-
KMDLNJ: MD-ja po e dezinformon publikun për marrëveshjen me Danimarkën – është kriminale dhe raciste
-
Musliu-Shoshi për Kurtin dhe VV-në: Qëllimi i tyre është zhbërja e Kosovës
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin
Lajmet kryesore
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin