Holanda ka lëshuar një paralajmërim sigurie për qytetarët e saj në Liban, duke u kërkuar atyre që të largohen nga vendi i Cedarit “sa më shpejt të jetë e mundur” për shkak të tensioneve në rritje midis Izraelit dhe Hezbollahut.
Në një shënim të publikuar në rrjetin social Ministria u kërkoi gjithashtu qytetarëve holandezë që zgjedhin të qëndrojnë në Liban të mbajnë kontakte me ambasadën në Bejrut dhe të përgatiten për emergjenca të mundshme.
Gjithashtu dhe Ministria e Jashtme gjermane u bëri thirrje qytetarëve gjermanë në Liban që “të largohen urgjentisht nga vendi”.
“Situata e sigurisë në rajon është shumë e paqëndrueshme”, shkroi ministria gjermane në një shënim, duke kujtuar se “përplasjet ushtarake në zonën kufitare midis Libanit dhe Izraelit janë rritur në intensitet javët e fundit”.
“Një përkeqësim i mëtejshëm i situatës dhe një zgjerim i konfliktit nuk mund të përjashtohet veçanërisht për pjesët jugore të Libanit deri në zonat urbane jugore të Bejrutit dhe luginën Bekaa, duke përfshirë edhe përshkallëzimin e mëtejshëm mund të çojë gjithashtu në ndërprerjen e plotë të trafikut ajror nga aeroporti Rafiq Hariri.
Në këtë rast nuk do të ishte më e mundur të largohej nga Libani me avion”, njoftoi ministria, duke shtuar se “priten edhe demonstrata në lidhje me tensionet në rajon. Në kuadër të veprimeve të tilla mund të ndodhin trazira”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
