Guruja dhe mashtrimi në internet i asistentes: Zhdukja e bizhuterive me vlerë 90 milionë dollarë

Asnjë vjedhje e kodeve të sigurisë, asnjë ndërprerje apo hakerim i kamerave për të kaluar nëpër kasafortë super të mbrojtur.

Thesari, diamante me vlerë mbi 90 milionë dollarë është marrë me “armën” e fjalëve të përdorura nga një amerikan, i cili arriti të nënshtrojë asistentin personal të Sheikh Hamad bin Jassim bin Jaber Al Thani, pronar i bizhuterive.

Një histori surreale që filloi vite më parë, por tani është shfaqur për shkak të profilit të lartë të viktimës, ish-kryeministrit të Katarit, i cili do të kishte financuar shumë konsulentë dhe hetues privatë jo vetëm për të gjurmuar plaçkën, por gjithashtu për ta mbajtur historinë konfidenciale.

Aq sa kur John Lee u arrestua nëntorin e kaluar me akuza për mashtrim dhe transport ndërshtetëror të mallrave të vjedhura , lajmi nuk qarkulloi pavarësisht se prangat ishin rezultat i një gjuetie një mujore nga ekipet e zbatimit të ligjit ndërkombëtar.

Së bashku me detektivët privatë në Evropë, MB, SHBA dhe Gjirin Persik.

Lajmi filloi të dilte dhjetorin e kaluar, kur shtëpia britanike e ankandeve Christie’s tërhoqi papritur një diamant të madh rozë 13,15 karatësh me një vlerë të vlerësuar prej 35 milionë dollarësh dhe thashethemet për grabitjen filluan nëntë muaj më parë.

Por edhe atëherë, viktima u mbajt në konfidencialitetin më të rreptë, i përshkruar vetëm si një banor i pasur i Dohas.

Gjithçka filloi me Magdalena-n, asistentja e Al Thani, dhe kërkimi i saj për këshillim shpirtëror në internet që filloi katër vjet më parë.

Në prill 2019, gruaja – e renditur si Viktima 1 në urdhër-arrest, por e identifikuar me emrin e saj në dokumentet e dhëna hetuesve – kishte përdorur Purple Garden, një vend ku psikikët japin këshilla për dashurinë dhe marrëdhëniet.

Këtu ajo afrohet nga John, i përshkruar si një trajner i jetës, një guru i marrëdhënieve, i cili i premton mbrojtje nga aurat e këqija.

Pas tre vitesh këshilla të shpërndara kryesisht përmes WhatsApp-it, ai e bind Magdalena-n se problemet e saj romantike dhe mendore burojnë nga bizhuteritë e saj, të cilat përmbanin aura të këqija, thuhet në dokumentet e prokurorisë.

Dhe ai i merr ato që të mund t’i pastrojë.

“Sado e pabesueshme që tingëllon, ai e kishte rregulluar për gati katër vjet dhe ajo i besoi atij”, ka thënë një hetues.

Një besim që forcohet kur burri, pas disa javësh, i dërgon sendet e saj të çmuara përsëri.

Një lëvizje përgatitore kjo për hapin tjetër.

Pastrimi ishte i suksesshëm, por Lee kishte një lajm të keq: bizhuteritë kishin përhapur “shpirtrat e këqij” dhe kishin infektuar shefin e saj.

Po ashtu kishin vënë në rrezik gjithë familjen, sipas Lee.

Dhe zgjidhja e vetme ishte pastrimi shpirtëror i koleksionit legjendar të al Thanit përpara se fatkeqësia të godiste familjen.

Një plan i studiuar mirë: e bindur se ajo kishte shkaktuar problemin e aurës, Magdalena vendosi ta zgjidhte atë pa e njoftuar shefin e saj.

e qetësuar nga Lee se do ta bënte të padukshme teksa ajo hynte në kasafortën në pallatin e Dohas.

Vetëm kur kuptoi se nuk do t’i kthente kurrë bizhuteritë, gruaja i tregoi gjithçka Al Thanit.

Është e lehtë të imagjinohet habia e dikujt që ishte ndër njerëzit më të rëndësishëm të pushtetit në rajon për 30 vjet, fillimisht si Ministër i Jashtëm dhe më pas, deri në vitin 2013, si Kryeministër.

Pjesa tjetër është ajo që përfundoi në raportet e hetuesve: nuk do të dukej e pavend si një komplot mister.

Marrë nga “Corriere della Serra”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.