![](https://albanianpost.com/wp-content/uploads/2024/04/hmjkhmkju.jpg)
Gjykata e Posaçme GJKKO ka rrëzuar sërish kërkesat për revokim të masave për Sali Berishën dhe Jamarbër Malltezin.
Berisha dhe dhëndri i tij iu drejtuan sërish këtë të hënë Gjykatës së Posaçme për zëvendësimin e këtyre masave me masë me të lehtë siç është ajo e detyrimit për tu paraqitur.
Në kërkesën e drejtuar gjykatës avokatët e tyre argumentuan se në këtë fazë që ndodhet hetimi janë zbutur nevojat për mbajtjen e tyre në masën “arrest shtëpie” dhe për këtë arsye kërkuan vendosjen e një mase me të lehtë.
Nesër ndërkaq pritet të mbahet një seancë në Gjykatën e Lartë, në lidhje me një nga kërkesat e Berishës për masën e sigurisë.
Me çfarë ka të bëjë konkretisht çështja e Berishës?
Prokuroria e Posaçme kundër Korrupsionit dhe Krimit të Organizuar Tiranë (SPAK) do të zbulonte përmes një njoftimi zyrtar detajet hetimore lidhur me privatizimin e ish-kompleksit të klubit Partizani.
Në mesin e të akuzuarve ishin ish-kryeministri Sali Berisha me veprimet e tij konkrete për të bërë që dhëndri i tij Jamarbër Malltezi të përfitonte nga kjo skemë e parregullt.
Më saktë, objekti i hetimit të këtij procedimi penal, sipas SPAK-ut, ishin veprimet e kryera nga funksionarë të lartë shtetërorë dhe persona të tjerë, për privatizimin e terreneve dhe objekteve sportive të “Klubit të Futbollit Partizani” dhe “Klubit Shumësportësh Partizani”.
Prokuroria e Posaçme dyshon se Berisha ka konsumuar veprën penale të ‘Korrupsionit pasiv të funksionarëve të lartë shtetërore ose të zgjedhurve vendorë’, e kryer në bashkëpunim me shtetasin Jamarbër Malltezi, parashikuar nga neni 260 e 25 i Kodit Penal.
SPAK shton se Berisha në cilësinë e tij si Kryeministër i Republikës së Shqipërisë, dyshohet se ka kryer veprime konkrete dhe aktive, në miratim ligjesh apo aktesh nënligjore.
Kjo, me qëllim përshtatjen e tyre sipas nevojave që paraqiteshin për pesë familjet e njohura pronare, ku fitues i drejtëpërdrejtë ndër të tjerë, rezultonte të ishte Jamarbër Malltezi.
Berisha, dyshohet madje se ka kryer veprime aktive për kryerjen e kontrolleve administrative, me qëllimin e ushtrimit të presionit dhe dhënien e urdhërave konkrete, për konkludimin e procedurave të privatizimit, në favor ndër të tjerë, edhe të Jamarbër Malltezit, vijon SPAK-u.
Sipas Prokurorisë, Berisha dyshohet se ka kryer po ashtu veprime aktive në vendosjen në dispozicion të Malltezit, të strukturave të ndryshme të administratës shtetërore për realizimin e procesit të privatizimit të pronës shtetërore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Censi zbulon ndarjen e re fetare në Shqipëri: 1.1 milionë myslimanë, të krishterë mbi 370 mijë, bektashinjtë dhe ateistët në rritje
-
Reagon Policia pas alarmit për hackerim: Janë masa parandaluese
-
Vijon dialogu për Reformën Zgjedhore, Gjiknuri thotë se opozita po heq dorë nga votimi elektronik
-
Policia fik kompjuterët, alarm për sulm kibernetik
Lajmet kryesore
-
Sondazhi: VV dhe Guxo 41%, PDK 19.6, LDK 19.2 dhe AAK-Nisma 6%
-
Vijon dialogu për Reformën Zgjedhore, Gjiknuri thotë se opozita po heq dorë nga votimi elektronik
-
Kaja Kallas – sfiduesja e Rusisë – gati të udhëheqë politikën e jashtme të BE-së
-
Censi zbulon ndarjen e re fetare në Shqipëri: 1.1 milionë myslimanë, të krishterë mbi 370 mijë, bektashinjtë dhe ateistët në rritje