![](https://albanianpost.com/wp-content/uploads/2022/05/ipiccy_image-3.jpg)
Pamjet e dhunës mes huliganëve dhe ultras-ve – holandezë e italianë – që u dëshmuan gjatë mbrëmjes së 24 majit janë zëvendësuar nga festa e tifozëve në të dyja kampet.
Disa orë para fillimit të ndeshjes, kanë marrë shkas festimet e vërteta të përgatitjeve për finalen e Ligës së Konferencës në Arenën Kombëtare.
Tifozët e Roma-s dhe e gjithë baza e fansave verdhë e kuq janë zhvendosur në zonën e tyre, në jug të stadiumit.
I gjithë Liqeni i Tiranës, dhe zonat rreth e qark saj, janë populluar nga tifozë të shumtë roman.
Shumica prej tyre kanë një biletë, ndërsa një pjesë e mirë do mund ta shohin në ambientet e përshtatura si mini-stadiume ose në Amfiteatrin e Liqenit.
Gjatë komunikimeve me Albanian Post, ata kanë bërë disa herë të ditur se ndihen “si në shtëpinë e tyre”.
Kjo, pasi Tirana është kthyer në një “Romë të vogël”.
Jo më pak se ta po festojnë edhe holandezët nga Roterdami me fanellat gjysmë bardhë e gjysmë kuq.
Ata gjenden në zonën e Pedonales së Tiranës ku edhe është përshtatur skena e cila do të transmetojë finalen e dytë evropiane në radhë – e treta për nga rëndësia.
Tifozët e Feyenoord-it kanë festuar për disa orë nën muzikën Hardstyle, karakteristike për vendin e tyre.
Para fillimit të ndeshjes që do të ndiqet nga 155 vende të botës, festa ka zënë vend dhe pamjet e dhunës janë një kujtim i së kaluarës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vrasja e Pjerin Xhuvanit, Apeli ndryshon vendimin: 7 vite burg për Paplekajn
-
Makthet dhe ëndrrat e “diktatorit” të shkronjave
-
Bashkëpunimi policor me Moldavinë, Balla: Intensifikojmë numrin e marrëveshjeve
-
“Ikonë e letërsisë, “gjigant i letrave”, “ambasador i krijimtarisë shqiptare”, opozita për humbjen e Kadaresë