Allison Fluke Ekren, një grua nga Kansas-i, e cila drejtoi një batalion të Shtetit Islamik (IS) është dënuar me 20 vjet burg.
Vetë fëmijët e saj e denoncuan atë në Gjykatë dhe treguan abuzimet që ajo bëri ndaj tyre.
Ekren mori dënimin maksimal, me 20 vite.
42-vjeçarja pranoi se ajo drejtonte Khatiba Nusaybah, një batalion, në të cilin rreth 100 gra dhe vajza mësuan se si të përdorin armë automatike dhe të shpërthejnë granata.
Një pjesë e vajzave ishin në moshën 10-vjeçare.
Edhe vetë vajza e Ekren-it pranoi se ishte pjesë e grupit dhe se kishte marrë një trajnim të tillë.
Vajza dhe djali më i madh i kërkuan gjykatëses të vendoste një dënim maksimal.
Ata thanë se ishin abuzuar fizikisht dhe seksualisht nga nëna e tyre dhe në letrat drejtuar Gjykatës përshkruan keqtrajtimin me detaje të tmerrshme.
Nga ana tjetër, ajo e mohoi abuzimin.
Gjatë seancës gjyqësore, Ekren-i kërkoi një dënim me dy vite me justifikimin që ajo duhet të rriste fëmijët e saj të vegjël.
Ajo e portretizoi Khatiba Nusaybah si një qendër komunitare për gratë, e cila u shndërrua në një sërë klasash vetëmbrojtjeje pasi qyteti i Raqqa-s, ku ata jetonin po përballej me pushtime.
Ajo pranoi se gratë dhe vajzat u mësuan të përdornin rripat vetëvrasës dhe armët automatike, por e portretizoi atë si trajnim sigurie për të shmangur aksidentet në një zonë lufte, ku armë të tilla ishin të zakonshme.
Në një moment, 42-vjeçarja shpjegoi nevojën që gratë të mbroheshin kundër mundësisë së përdhunimit nga ushtarët e armikut.
Gjyqtarja, Leonie Brinkema, bëri të qartë se nuk ishte e impresionuar nga justifikimet e Ekren-it dhe dha dënimin maksimal për rastin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama ‘sfidon’ drejtësinë e SPAK të zbardhë të vërtetën, pasi Bardhi tha se është thirrur të dëshmojë për çështjen e “rihapur” ndaj Olsi Ramës
-
Gërvalla: Evropa të përgatitet për konflikt në rast se Rusia s’e humb luftën ndaj Ukrainës
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Osmani në SHBA takon George W. Bush
Lajmet kryesore
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Rama ‘sfidon’ drejtësinë e SPAK të zbardhë të vërtetën, pasi Bardhi tha se është thirrur të dëshmojë për çështjen e “rihapur” ndaj Olsi Ramës
-
Gërvalla: Evropa të përgatitet për konflikt në rast se Rusia s’e humb luftën ndaj Ukrainës