Zëvendëskryeministri i Kosovës, Besnik Bislimi, ka pritur të martën në takim shefin e ri të Misionit për Sundimin e Ligjit në Kosovë (EULEX), Giovanni Pietro Barbano, me të cilin, sipas një komunikate të lëshuar për media, ka diskutuar për vazhdimin e bashkëpunimin në mes të dy institucioneve.
“U bisedua për bashkëpunimin ndërmjet Qeverisë së Republikës së Kosovës dhe institucioneve të rendit dhe sigurisë me misionin e EULEX-it, me qëllim të forcimit të sundimit të ligjit, si dhe për zhvillimet në vend”, thuhet në njoftimin e Zyrës së Kryeministrit.
Shefi i delegacionit të Kosovës në dialogun me Serbinë në Bruksel, ndër të tjera theksoi përkushtimin e ekzekutivit për mbrojtjen e lirive dhe të drejtave të njeriut të të gjithë qytetarëve të vendit pa dallim, ruajtjen e paqes, rendit dhe sigurisë në të gjithë territorin.
Gjeneralmajori i Karabinierisë së Italisë, i cili ka më shumë se 40 vite përvojë në ligj dhe rend, aktivitete të policisë dhe operacione të paqes, të hënën e 26 qershorit ka marrë zyrtarisht detyrën si shef i EULEX-it me një mandat që do të zgjasë nga 26 qershori 2023 deri më 14 qershor 2025.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Sulmet e Metës dhe paraqitja e Veliajt në SPAK, Gonzato: Nuk komentojmë hetimet, por e mbështesim prokurorinë