Ministri i Sigurisë Kombëtare të Izraelit, Itamar Ben-Gvir shpalli gjendjen e jashtëzakonshme kombëtare të shtunën pasi Hamasi dhe Xhihadi Islamik vranë të paktën 22 izraelitë, plagosën më shumë se 500 njerëz dhe mbajtën peng disa civilë.
Lajmi u bë i ditur nga gazeta izraelite “Haaretz”.
Ky sulm i paprecedentë përfshinte depërtimin nga Gaza në Izrael dhe lëshimin e një breshërie masive me raketa që synonte qytete në rajonet jugore dhe qendrore të vendit.
Gjendja e jashtëzakonshme kombëtare do të hyjë në fuqi në mbrëmje dhe do të zbatohet në të gjithë vendin, raporton “Haaretz”.
Nga ana tjetër, Ben-Gvir urdhëroi që të rekrutoheshin të gjithë oficerët vullnetarë të policisë dhe të armatoseshin plotësisht të gjitha forcat e sigurisë.
Dhjetëra mijëra personel rezervë të ushtrisë izraelite janë vendosur gjithashtu të mobilizohen dhe një numër i trupave rezervë që marrin pjesë në lëvizjen e protestës kundër rishikimit gjyqësor të qeverisë Netanyahu po kthehen në detyrë rezervë pas incidentit.
Të shtunën në mëngjes, rreth 2 mijë e 500 raketa u lëshuan nga Gaza në qytete në të gjithë Izraelin qendror dhe jugor, duke arritur deri në Jerusalem, ndërsa terroristët palestinezë depërtuan në komunitetet në jug të vendit nga toka, deti dhe ajri.
Në të paktën dy qytete, civilët izraelitë u mbajtën gjithashtu robër nga terroristët në shtëpitë e tyre, gjë që shkaktoi protesta nga një numër agjencish dhe zyrtarësh amerikanë.
“Izraeli është në luftë. Ky nuk është një i ashtuquajtur operacion ushtarak, nuk është një raund tjetër luftimesh, por luftë”, tha kryeministri izraelit Benjamin Netanyahu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit