Autoritetet marokene kanë arrestuar një aktivist ujgur në mërgim pas një urdhri pёr terrorizёm nga autoritetet kineze, sipas informacionit zyrtar tё policisё marokene.
Aktivistёt e njё grupi tё tё drejtave tё njeriut nga ana tjetёr, kanё frikё se ai do tё ekstradohet nё Kinё dhe mendojnё se arrestimi i tij ёshtё i drejtuar politikisht, si pjesё e njё fushate tё Kinёs, pёr tё gjetur disidentёt jashtё kufijve tё saj.
Drejtoria e sigurisë kombëtare tё Marokut tha të martën, se një shtetas kinez, i quajtur Yidiresi Aishanu u arrestua pasi u ul në aeroportin ndërkombëtar Mohammed V në Casablanca më 20 korrik, pas mbërritjes nga Stambolli.
“Aishanu ishte subjekt i një njoftimi të lëshuar nga Interpol, nё listёn e mё tё kёrkuarve tё tij, për shkak të dyshimit se i përkiste një organizate terroriste”, tha drejtoria.
Policia marokene nuk e pёrmendi publikisht burrin e arrestuar, por organizata joqeveritare Mbrojtësit e Mbrojtjes e identifikoi atë si Aishan. Veprimtaria e grupit ёshtё e fokusuar nё identifikimin e personave të ndaluar nga Kina.
Aishan, një inxhinier kompjuteri 33-vjeçar dhe baba i tre fëmijëve, ka qenë i vendosur në Turqi që nga viti 2012, ku ai punoi si krijues dhe aktivist digjital.
Ai ёshtё i pajisur me leje qёndrimi turke dhe sipas mikut dhe kolegut Abduweli Ayup, Aishan punoi në një agjenci mediatike të diasporës sё Ujgurёve dhe ndihmoi aktivistët e tjerë në shtrirjen e medias dhe mbledhjen e dëshmive të abuzimit në provincën Xinjiang të Kinës.
“Pas arrestimeve të përsëritura në Turqi, Aishan u largua nga Stambolli për në Casablanca në mbrëmjen e 19 korrikut. Të shtunë ai kishte telefonuar gruan e tij, për t’i thёnё se po dёbohej”, tha miku i tij, i cili ёshtё nё kontakt me familjen e tij.
Interpol dhe ambasada kineze në Marok nuk kanё dhёnё ende komente mbi arrestimin.
Maroku ratifikoi një traktat ekstradimi me Kinën në vitin 2017, midis disa traktateve të tilla që Kina ka bërë vitet e fundit.
Kina e ka përshkruar bllokimin e saj gjithëpërfshirës të një milion ose më shumë ujgurëve dhe pakicave të tjera kryesisht myslimane si një “luftë kundër terrorit” pas thikave dhe bombardimeve nga një numër i vogël ujgurësh ekstremistë vendas në Xinjiang.
Studiuesit thonë se shumë njerëz të pafajshëm janë arrestuar për gjëra të tilla si largimi jashtë vendit ose pjesëmarrja në tubime fetare.
Mbrojtësit e Mbrojtjes u kanë bërë thirrje ambasadorëve marokenë në Washington dhe Bruksel që të mos ekstradojnë Aishan.
Në një rast të ngjashëm, një adoleshent kinez i cili thotë se është banor i përhershëm amerikan u arrestua në Dubai, tё Emirateve tё Bashkuara Arabe, në prill ndërsa po transferohej për një fluturim.
Zyrtarët kinezë kishin kërkuar arrestimin e Wang Jingyu, një student 19-vjeçar, lidhur me disa komente në internet pёr përplasjet vdekjeprurëse kufitare midis forcave kineze dhe indiane vitin e kaluar.
Departamenti i shtetit i SHBA-ve e cilёsoi si shkeljeve të tё drejtave tё njeriut. Wang u lirua në maj dhe u largua nё Holandё sё bashku me tё fejuarёn e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
