![](https://albanianpost.com/wp-content/uploads/2024/05/Izet-Mexhiti.jpeg)
Izet Mexhiti, njëri nga liderët e koalicionit “VLEN”, ka thënë se shqiptarët përsëri do të udhëheqin me pozitën e Kryetarit të Kuvendit të Maqedonisë së Veriut, duke e konsideruar këtë si punë të kryer.
Këto komente, Mexhiti i ka bërë në një intervistë për “TV21”, në një kohë kur koalicioni “VLEN”, është duke negociuar me partinë fituese maqedonase në zgjedhjet parlamentare të 8 majit, VMRO-DPMNE, për formimin e qeverisë së re.
“Mendoj që po, nuk janë mbyll bisedimet.. por jam optimist se do të mbyllet me suksese”, tha Mexhiti.
Për herë të parë shqiptarët kishin marrë drejtimin e Kuvendit të Maqedonisë së Veriut në vitin 2016. Në këtë pozitë ishte zgjedhur Talat Xhaferi nga radhët e Bashkimit Demokratik për Integrim, aktualisht kryeministër i këtij shteti.
Për punën e kryeparlamentarit Kryetari i Lëvizjes Demokratike – pjesë e koalicionit “VLEN” – u shpreh i bindur se do ta kenë, mirëpo ai nuk tregoi se cilat dikastere të tjera do t’i udhëheqë ky koalicion në qeverinë e ardhshme, duke theksuar se ende nuk kanë biseduar në këtë drejtim.
“Fokusi ka qenë të parimet, te programi, te investimet, te projektet dhe tash po bisedohet”, potencoi Mexhiti.
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
Ndryshe, në zgjedhjet parlamentare në Maqedoni të Veriut, sa i përket kampit shqiptar, fitues me mbi 30 mijë vota doli “Fronti Evropian”, i cili mori 19 deputetë, apo 6 më shumë seç fitoi koalicioni i partive opozitare shqiptare “VLEN”, të cilët morën 13 ulëse në kuvend.
Ndërsa, te kampi maqedonas, fitues absolut është partia nacionaliste VMRO-DPMNE, e cila siguroi plotë 58 ulëse në parlamentin e Maqedonisë së Veriut nga 120 sa i ka gjithsejtë, derisa LSDM-ja, partia që deri më tani kishte pushtetin mori vetëm 18 deputetë – rezultatin më të dobët në histori të saj.
Ulëse në kuvendin maqedonas kanë fituar edhe dy parti të tjera maqedonase. Nga 5 sosh i kanë marrë e majta ekstrem “Levica”, dhe Lëvizja “ZNAM”.
Mirëpo, përkundër se në kampin shqiptar është fitues “Fronti Evropian”, VMRO-ja ka anashkaluar ata, duke zgjedhur koalicionin “VLEN”, me të cilët tanimë është duke biseduar për ekzekutivin e ri, që do të drejtohet nga lideri nacionalist Hristjan Micksoki.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kryetarja e Kuvendit të Sllovenisë sot në Kosovë
-
Ahmeti: Kjo qeveri s’ka legjitimitet – do ta demonstrojmë pakënaqësinë tonë
-
Petkoviçi e quan Sveçlën “mburravec” të rrjeteve sociale
-
Ish-kryeinspektori i AKI-së: Derisa Serbia po pasivizon adresat e shqiptarëve, Qeveria e RMV-së po i largon nga vendimmarrja
Lajmet kryesore
-
The Guardian: Ndahet nga jeta në moshën 88-vjeçare Ismail Kadare, gjiganti i letërsisë shqipe
-
Skandali te Onkologjiku/ Rama: Është krim kundër njerëzimit, Koçiu prezanton masat
-
Rezultatet përfundimtare të raundit të parë në Francë: djathtas 33.1%, majtas 27.9
-
Osmani: Kadareja ishte simbol i lirisë për të gjithë – trashëgimia e tij do të mbetet përjetësisht në zemrat tona