Kryeministri hungarez, Viktor Orban, ndoshta për herë të parë, ka një problem që lind brenda sistemit të tij të pushtetit, partisë-shtet Fidesz.
Në shkurt pati demonstrata kundër qeverisë.
Kjo pasi u zbulua falja e dhënë, në prill 2023, nga presidentja Katalin Novak për një person të përfshirë në përpjekjen për të mbuluar një rast të abuzimit seksual të të miturve.
Judit Varga, e cila si ministre e Drejtësisë kishte firmosur masën, duhej të jepte dorëheqjen bashkë me Novakun.
Ish-bashkëshorti i Vargas, Péter Magyar, është tani përgjegjës për një skandal të ri.
Magyar u paraqit në zyrën e prokurorit në Budapest të martën me një regjistrim audio të ish-bashkëshortes së tij, që daton që nga viti i kaluar.
Ato dy minuta, siç rindërton “Politico Europe”, do të dokumentonin një përpjekje të drejtuesve të Fidesz për të fshehur provat mbi korrupsionin e anëtarëve të partisë.
Në veçanti, shefi i kabinetit të Orbanit, Antal Rogán, dyshohet se shtrembëroi dokumentet gjyqësore në favor të Pál Völner, një nënsekretar i Vargas, i cili ishte përfshirë në një çështje ryshfeti.
Völner dha dorëheqjen në vitin 2021.
Ky ishte rasti, përveç Novakut dhe Vargës, edhe për József Szájer, i plotfuqishmi i Orbanit në Bruksel, i cili u zhduk nga radari pasi mori pjesë, në vitin 2020, në një orgji në kryeqytetin belg.
Zëdhënësi i qeverisë, Zoltán Kovács, kundërshtoi vërtetësinë e audios.
Varga me një postim në Facebook konfirmoi se ishte zëri i saj, por tha se ishte detyruar nga ish-bashkëshorti të regjistronte.
Ai akuzon Magyarin për zhvatje dhe dhunë në familje.
Çifti, përpara se të ndaheshin në vitin 2023, u portretizuan nga mediat pro-qeveritare si një model i familjes tradicionale, mbi të cilën bazohet retorika e Fidesz.
Magyar ishte anëtar i partisë dhe ishte pjesë e rrethit të ngushtë si “burri i”, por ai mbante emërime publike për një kohë të gjatë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SHBA heq licencat për shitjen e çipave të Huawei
-
Vizita e Xi Jinping, Escobar: I shërben rritjes së tensioneve mes Serbisë dhe Perëndimit
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
KMDLNJ: MD-ja po e dezinformon publikun për marrëveshjen me Danimarkën – është kriminale dhe raciste
Lajmet kryesore
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin