Kështu ka njoftuar Ministria e Shëndetësisë në Kosovë, përmes një postimi në faqen zyrtare në Facebook.
Në njoftim tregohet se vaksinimi i kësaj grupmoshe do të bëhet fillimisht në sallën “1 Tetori” në Prishtinë dhe në komunat e tjera si Pejë, Gjakovë, Prizren, Ferizaj, Gjilan, Mitrovicë dhe Vushtrri.
Ndryshe nga komuna e Prishtinës, vaksinimi kundër COVID-19, në komunat e tjera bëhet në Qendrat Kryesore të Mjekësisë Familjare.
Marrja e serumit anti-COVID për këtë grupmoshë besohet se do të zgjatë tri ditë.
Më pas do të vazhdohet me grupmoshën nga 80 deri në 84 vjeç, në po të njëjtat vende të vaksinimit.
Ndërkohë më parë është bërë e ditur se personat që kanë aplikuar në web faqen ekosova.rks-gov.net, do të kontaktohen për vaksinim përmes telefonit.
Ndërsa në Qendrën e Vaksinimit në sallën “1 Tetori” në Prishtinë, deri më shtatë prill janë vaksinuar rreth katër mijë e 300 persona.
Kështu ka thënë para mediave koordinatori i kësaj qendre, Niman Bardhi, i cili ka deklaruar se procesi i imunizimit në Kosovë është duke vazhduar pa probleme.
Vaksinimi në Kosovë ka nisur të hënën më 29 mars, ndërsa një ditë më parë, më 28 mars në Kosovë ka arritur kontingjenti i parë i vaksinave kundër Coronavirusit, nga kompania AstraZeneca që janë siguruar përmes programit “COVAX”, mundësuar nga Fondi i Emergjencës i Kombeve të Bashkuara për Fëmijët (UNICEF).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Turqia zyrtarizon ndalimin e tregtisë me Izraelin
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
-
Hetuesi privat izraelit arrestohet në Britani, pasi kreu spiunazh kibernetik
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit