Prokuroria publike e Turqisë ka kërkuar mbi 40 mijë vjet burg për themeluesin e platformës Thodex, Faruk Fatih Özer.
Ky i fundit, u ekstradua nga Shqipëria drejt Shqipërisë në prill të këtij viti.
Lajmi u bë i ditur nga agjencia “Anadolu” dhe transmetuesi “TRT”.
Rasti për 21 të pandehur, përfshirë Özer-in, po zhvillohet në Gjykatën e 9-të të Lartë Penale të Anadolia-s.
Prokurori publik e dha mendimin e fundit të tij rreth çështjes.
Për Faruk Fatih Özer-in, i cili është akuzuar për “mashtrim duke përdorur si mjet sistemet teknologjike, bankat ose institucionet e kredisë dhe formim të organizatës me qëllim kryerjen e krimit” dhe “pastrim i pasurive të tregtarëve ose drejtuesve të kompanive dhe menaxherëve të kooperativave që rezultojnë nga mashtrimi dhe krimi”, kërkohet nga 12 mijë e 142 vjet deri më 40 mijë e 462 vjet dënim burg.
Özer u arrestua më 30 gusht të vitit të kaluar në Shqipëri.
Vendimi i Gjykatës së shkallës së parë në Elbasan më 2 shtator 2022 për vazhdimin e masës së arrestit ndaj Özer-it u apelua nga avokatët e tij më 14 shtator 2022.
Gjykata e Apelit në Durrës më 20 shtator miratoi vendimin për arrestimin e Özer-it.
Gjykata e shkallës së parë në Elbasan në seancën më 17 nëntor 2022 njoftoi se është pranuar kërkesa e prokurorisë së Elbasanit për “lejimin e ekstradimit të Özer-it në Turqi”, ndërsa Özer më 7 dhjetor 2022 apeloi këtë vendim.
Në seancën e mbajtur më 30 nëntor 2022 në Gjykatën e Apelit Durrës lidhur me këtë vendim, u miratua vendimi për ekstradimin e Özer-it.
Gjithashtu, Gjykata e Lartë e Shqipërisë më 13 prill vendosi mospranimin e ankesës të paraqitur nga themeluesi i platformës Thodex, Faruk Fatih Özer, i cili kundërshtonte vendimin që lejon ekstradimin e tij në shtetin turk.
Pas këtyre vendimeve, më 20 prill Özer u ekstradua me avion në Stamboll.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Merr jetë projekti “Smart City”, Balla lajmëron monitorim e Tiranës me kamera e inteligjencë artificiale
-
Prokuroria kërkon 15 vjet burg, për autorin e vrasjes së 7-vjeçares me skaf në Himarë
-
Gjykata e Lartë lë në burg mjekun Dervish Hasi
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
Lajmet kryesore
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin