Në Suedi, një zyrtare e Demokratëve është pezulluar nga partia e ekstremit të djathtë për komentet degraduese ndaj Anne Frank.
Rebecka Fallenkvist, përmes një postimi në Instagram që tani është fshirë, e ka quajtur ndër të tjera Frank si “imorale”.
Autorja e ditarit të shkruar teksa fshihej në Amsterdam para se të kapej, vdiq në moshën 15-vjeçare në kampin e përqendrimit Bergen-Belsen të Gjermanisë naziste në shkurt 1945.
Postimi nga Fallenkvist, një drejtuese 26-vjeçar e programeve televizive për Demokratët e Suedisë, ka shkaktuar reagime të forta nga grupet hebraike dhe ambasadori izraelit, Ziv Nevo Kulman.
Ky i fundit ka shkruar në Twitter se e dënon fuqimisht këtë “fyerje të neveritshme”, duke mos respektuar kujtimin e Ana Frank.
Kurse drejtori i medias së Demokratëve suedezë, Oskar Cavalli-Bjorkman, ka thënë se partia do t’i merrte seriozisht komentet “e pandjeshme dhe të papërshtatshme” të Fallenkvist.
Dhe se do të nisë një hetim të brendshëm.
Demokratët e Suedisë u themeluan në vitet 1980 nga njerëz që kishin qenë aktivë në grupet ekstremiste të djathta, duke përfshirë neo-nazistët.
Partia doli si partia e dytë më e madhe e Suedisë në zgjedhjet e 11 shtatorit nën udhëheqjen e Jimmie Åkesson.
Më herët, tre parti suedeze të qendrës së djathtë kanë rënë dakord të formojnë një qeveri koalicioni me mbështetjen e demokratëve suedezë, e cila ka lëvizur drejt politikës kryesore.
Ama ajo ruan një linjë të ashpër për imigracionin.
Marrë nga “The Guardian”, përshtatur për “Albanian Post”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SHBA heq licencat për shitjen e çipave të Huawei
-
Vizita e Xi Jinping, Escobar: I shërben rritjes së tensioneve mes Serbisë dhe Perëndimit
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
KMDLNJ: MD-ja po e dezinformon publikun për marrëveshjen me Danimarkën – është kriminale dhe raciste
Lajmet kryesore
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin