Soreca: Të hapen negociatat/ Shqipëria të ketë kujdes me median
SHFLETO
Greta Gjinaj
20.10.2021 9:41
Loading Icons...
Ambasadori i Bashkimit Evropian në Shqipëri, Luigi Soreca, në një konferencë për shtyp të mërkurën e 20 tetorit, theksoi dhe njëherë faktin se falë rezultateve pozitive të Shqipërisë, brenda vitit duhet të hapet Konferenca e Parë Ndërqeveritare.
Sipas tij, duke u bazuar të raporti me nota pozitive, tha se Shqipëria në rrugëtimin e saj që prej vitit 2020, fushat ku ka përmirësime ishte i pamjaftueshëm dhe ajo duhet të forcojë lirinë e shprehjes dhe të medias në pëptuhje me atë të Komisionit të Venecias.
Por, nga ana tjetër, Soreca, theksoi faktin se Shqipëria është “100% në përputhje me politikat e jashtme dhe të sigurisë me BE-në”.
“Përgëzojmë Shqipërinë në arritjet e bëra në reformën në drejtësi dhe procesin e vetting-ut”, theksoi Ambasadori.
Dhe jo vetëm, sipas Soreca-s lufta kundër korrupsionit dhe krimit të organizuar ka parë rezultate pozitive. Ai mori parasysh këtu marrjen pjesë në një sërë operacionesh ndërkombëtare dhe arrestime.
Ndërsa, vijon duke u ndalur dhe te liria e fjalës dhe të shprehurit, ku duhet një rregullator dhe fuqizimi i pavarësisë së medias.
Duke i mëshuar kësaj të fundit, Soreca tha se vetërregullimi dhe ligji për mediat duhet të jetë në qendër të politikave në vazhdim të Qeverisë.
Megjithatë Soreca u fokusua dhe te përparimi i zhvillimit ekonomik.
“Qeveria dhe Banka Qendrore kanë marrë veprime të shpejta për të mbështetur biznesin, familjen dhe sektorin e shëndetësisë pas krizës së pandemisë”.
I pyetur për sa i përket standardit të BE-së në lidhje me sundimin e ligjit, ai u shpreh i prerë se, “KE-ja është shumë e qartë për standardet e sundimit të ligjit në BE. Kjo e fundit po merr hapa për ata që nuk i përgjigjen këtyre kritereve”.
Ai vijoi duke ritheksuar dhe njëherë se duke parë rezultatet e mira, zgjatja e procesit të vetting-ut është e rëndësishme. “Të vijojë dhe të përfundojë”, u shpreh Soreca, “në rajon por dhe më tej”.
“Nëse ne na kërkohet për asistencë jemi të gatshëm të ndihmojmë gjithë spektrin politik”.
Ndërkohë ai tha se Shqipëria është pjesë e politikave të zgjerimit të BE-së, “kur je pjesë e lojës nuk ndryshohen rregullat gjatë kohës që luan lojën”.
“Meritat që ka Shqipëria janë të shkruara e zezë në të bardhë. Që të gjitha kushtet janë përmbushur dhe ka ardhur koha të ecim përpara”, ishte mesazhi që dha Soreca në përfundim të fjalës së tij.