Lajme

Reduktimi i mbetjeve ushqimore është i mirë për planetin… dhe xhepin


Në SHBA, gjenerohen afërisht 35 milionë ton mbeturina ushqimore çdo vit. Kurse një familje, shpërdoron rreth 30 për qind të ushqimit që blen.

Për një familje mesatare prej katër personash me një buxhet mujor ushqimor prej një mijë dollarësh, kjo është si të hedhësh 300 dollarë direkt në plehra çdo muaj.

Nuk janë vetëm buxhetet personale që ndikohen nga mbeturinat e ushqimit, por gjithashtu kontribuojnë në krizën e vazhdueshme klimatike.

Kjo referuar një raporti të vitit 2021 nga Agjencia e Mbrojtjes së Mjedisit të SHBA-ve.

Çështja thelbësore është se blihet shumë ushqim dhe më pas shumë prej tij hidhet poshtë për shkak të prishjes, dëmtimit, përbërësit nuk përputhen me preferencat ushqimore ose nuk mund të përgatiten.

Por ka shumë më tepër faktorë që kontribuojnë në mbetjet brenda sistemit ushqimor sesa thjesht sjellja e konsumatorit.

“Është shumë më i madh se një problem i konsumatorit”, ka thënë Pamela Koch, profesoreshë e edukimit të të ushqyerit.

Por kjo nuk do të thotë se përpjekjet personale nuk mund të kenë ndikim.

“Ka shumë gjëra që konsumatorët mund të bëjnë”, ka thënë Roni Neff, profesor i asociuar i shëndetit mjedisor.

Sipas tij, procesi fillon me njohjen e asaj që hidhet poshtë dhe se çfarë çoi në këtë sjellje.

“Nëse i kuptojmë modelet tona dhe çfarë po ndodh në shtëpitë tona, hapi tjetër është të kuptojmë se si të konfigurojmë mjedisin për ta bërë sa më të lehtë që të jetë e mundur shmangien e mbeturinave ushqimore”, ka shtuar ai.

Një nga sfidat është se duhet të jemi më të shëndetshëm dhe më vizionarë kur jemi në dyqanet ushqimore dhe shohim të gjitha ato prodhime.

Është e rëndësishme të jemi realistë për atë që do të hamë në të vërtetë dhe të pranojmë se prodhimet e humbura nuk po ndihmojnë shëndetin e askujt.

Për më tepër, ofertat dy për një për gjërat që prishen dhe blerjet e tjera me shumicë janë të mira për buxhetin vetëm nëse konsumojmë të gjithë ushqimin që blejmë.

Përpara se të shtohet një produkt tjetër në karrocën e blerjeve, fillimisht duhet pyetur vetja nëse dihet se çfarë do të bëhet me atë produkt.

Ndryshe, duhet të mbahet në mendje plani ushqimor.

Marrë nga “CNN”, përshtatur për “Albanian Post”.

/Albanianpost.com


Lajmet kryesore