Partia Demokratike mëngjesin e 29n prillit ka publikuar një video në median sociale Facebook, duke e quajtur ngjarjen e Elbasanit një masakër zgjedhore.
Në videon e publikuar jepet një përmbledhje e ngjarjes, duke nisur me deklaratën e drejtorit të përgjithsëhm të Policisë së Shtetit, Ardi Veliut.
Ky i fundit pohon se në makinën e gjetur në vendngjarje, grupi hetimor nuk ka konstatuar sende të kundraligjshme, apo të dyshuara, që mund të përdoreshin për shitblerjen e votës.
Gjithashtu në video publikohen dhe deklaratat e krymeinistrit të Shqipërisë, Edi Rama.
Kujtojmë se nga përplasja me armë më 21 prill në Elbasan mbeti i vdekur Pjerin Xhuvani, ish-drejtues i Lëvizjes Socialiste për Integrim në Elbasan.
Si dhe u plagosën katër persona të tjerë, mes tyre një efektive e forcave “Shqiponja”.
Autori u identifikua Arbër Palekaj, ish-punonjës i forcave RENEA dhe shoqërues i kandidatit demokrat për deputet në Elbasan, i cili u kap nga forcat policore menjëherë pas ngjarjes.
Deklarata e tij ka qenë se “sulmi ka ndodhur për vetëmbrojtje”.
Gjithë Shqipëria i ktheu sytë nga kjo ngjarje e rëndë, duke zhvendosur edhe vëmendjen e fushatës zgjedhore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
