![](https://albanianpost.com/wp-content/uploads/2021/10/aksidente-2.jpg)
Gjashtë persona kanë marrë lëndime trupore si pasojë e një aksidenti i cili ka ndodhur të enjten rreth orës 08:00 në rrugën nacionale Mitrovicë-Prishtinë.
Lajmin për Albanian Post e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.
“Një aksident trafiku me të lënduar është shkaktuar rreth orës 08:00, në rrugë nacionale Mitrovicë-Prishtinë përkatësisht në segmenti rrugor në fshatin Pestovë”.
![](https://albanianpost.com/wp-content/uploads/2021/11/auto_ilustrim-shiriti-i-ndalimit-policia-e-kosoves-foto-Ridvan-Slivova-3-780x439-1-600x360-11625557145.jpg)
Sipas tij, në aksident janë përfshirë dy vetura, ndërsa të lënduarit kanë kërkuar tretman mjekësor.
“Në aksident janë përfshirë dy vetura, si pasojë e aksidentit lëndime kanë pësuar gjashtë (6) persona të cilët kanë kërkuar tretman mjekësor”, ka thënë Zahiti.
Edhe, të mërkurën e 27 prillit, ka ndodhur aksident trafiku në rrugën nacionale Mitrovicë-Prishtinë nga i cili kanë pësuar lëndime tre zyrtarë policor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com