Osmani në Singapor: Jemi angazhuar për të siguruar vendin e Kosovës në komunitetin ndërkombëtar
![](https://albanianpost.com/wp-content/uploads/2023/11/vjosa-osmani-1130x635-1.jpg)
Presidentja e Kosovës, Vjosa Osmani, gjatë pjesëmarrjes së saj në Forumin Ekonomik të Bloomberg-ut, një ndër format më të mëdha dhe më të rëndësishme botërore në fushën e ekonomisë.
Në fjalimin e saj, Osmani ka thënë se Kosova ka nisur rrugëtimin e shtetndërtimit të bazuar në vlera.
“Si vendi më i ri në Evropë, kemi nisur rrugëtimin e shtetndërtimit të bazuar në vlera dhe jemi angazhuar për të siguruar vendin tonë të merituar në komunitetin ndërkombëtar”, ka thënë presidentja.
Confronted with a vast demographic shift, we must commit to shaping this new world with inclusivity, gender equality and innovation at its core.
Partnerships focused on sharing resources, knowledge, and expertise are crucial for a brighter, more resilient and sustainable future. pic.twitter.com/Dr2qkYJLkF
— Vjosa Osmani (@VjosaOsmaniPRKS) November 8, 2023
Sipas saj, se Kosova është e angazhuar për të siguruar vendin e saj të merituar në komunitetin ndërkombëtar.
“Me kërcënimet gjithnjë në rritje të sigurisë, bashkëpunimi nuk është më zgjedhje, është i domosdoshëm”, është shprehur presidentja.
Presidentja e Kosovës, Vjosa Osmani, po qëndron për vizitë zyrtare në Singapor, ku gjatë ditës së martë ka marrë pjesë edhe në ceremoninë e Earthshot Prize, një nismë globale e krijuar nga Princi William për t’i trajtuar disa nga sfidat mjedisore me të cilat përballet planeti.
Gjatë kësaj vizite, presidentja Osmani bashkë më bizneset kosovare prezente në këtë forum, do të jenë pjesë e një tryeze të rrumbullakët për tregtinë, investimet dhe mundësitë e bashkëpunimit ndërmjet Kosovës dhe Singaporit, derisa do të flasë edhe për potencialin ekonomik të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com