Kryeministri Edi Rama ka publikuar në Facebook një video, ku duken punimet tek ish-sheshi Shqiponja. Sipas kryeministrit, së shpejti do të hapet edhe tuneli numër 3, i cili do të lehtësojë trafikun nga Durrësi drejt Tiranës.
“Pas hapjes së tunelit nr. 4 që ndikoi në lehtësimin e qarkullimit të mjeteve, së shpejti do të bëhet edhe hapja e tunelit nr.3, i cili do të lehtësojë qarkullimin e automjeteve nga Durrësi në drejtim të zonës së Astirit dhe krijojë kushtet për përshpejtimin e ndërtimit të tuneleve të tjera në proces”.
Hyrja e Tiranës ka qenë ndër problemet kryesore të transportit kryeqytetas. Në tetor, filloi puna për rikonceptimin e gjithë sheshit Shqiponja. Në fillim të marsit ndërkohë, u hap tuneli numër katër.
Ky i fundit, lehtësoi qarkullimin e mjeteve nga Tirana drejt Durrësit. Pritet që me hapjen e tunelit të tretë, të lehtësohet edhe trafiku anasjelltas.
Momentalisht gjithë segmenti është i devijuar drejt zonës së Astirit. Me hapjen e tunelit, pritet që qarkullimi të rikthehet në zonën e Laprakës dhe në rrugën “Dritan Hoxha”.
Hyrja e re e Tiranës ka qenë një ndër zotimet kryesore të vitit të shkuar nga kryeministri dhe ministrja e Infrastrukturës dhe Energjitikës, Belinda Balluku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi