X, në pronësi të Elon Musk, po mbyll funksionin “Circle”. Ky funksion i lejon përdoruesit të ndajnë një postim vetëm me një grup njerëzish. Kompania tha se funksioni do të hiqet më 31 tetor.
“Pas kësaj date, nuk do të mund të krijoni postime të reja në “Circle”dhe as nuk do të mund të shtoni njerëz në rrethin tuaj. Sidoqoftë, do të jeni në gjendje t’i hiqni njerëzit nga rrethi juaj “tha X në faqen e saj.
Twitter publikoi veçorinë në gusht 2022, pasi e testoi atë në beta për disa muaj. Kompania i lejon njerëzit të shtojnë 150 persona në rrethin e tyre. Përdoruesit mund të krijonin vetëm një rreth.
Në fillim të këtij viti, përdoruesit filluan të vinin re se postimet e tyre nuk ishin të etiketuara me një flamur të gjelbër, duke i bërë ata të besonin se postimi u shpërnda për të gjithë ndjekësit e tyre.
Ndërsa kjo ishte vetëm një frikë, në prill, përdoruesit raportuan se disa nga postimet e tyre në “Circle” filluan të shfaqen në “timeline” të njerëzve të tjerë për ty. Në maj, kompania konfirmoi këtë gabim dhe e definoi si një “incident sigurie”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë