Edhe të mërkurën në Dhomat e Specializuara në Hagë është duke vazhduar parashtrimi i kundra-pyetjeve për dëshmitarin e tetë nga ana e mbrojtjes së ish-presidentit të Kosovës, Hashim Thaçi në gjykimin ndaj ish-krerëve të Ushtrisë Çlirimtare të Kosovës.
Në momentin që ka filluar seanca ka kaluar në seancë të mbyllur për publikun.
Ndërsa nga salla e gjyqit këtë seancë gjyqësore kundër tyre janë duke e përcjellur ish-presidenti Hashim Thaçi, ish kryetari i Kuvendit, Kadri Veseli dhe ish deputeti, Rexhep Selimi.
Kurse ish-kryetari i Kuvendit të Kosovës, Jakup Krasniqi është duke e përcjellur këtë seanca përmes video-lidhjes nga qendra e paraburgimit.
Kryetari i trupit gjykues, Charles Smith, bëri të ditur se Krasniqi ka dorëzuar edhe një dokument përmes të cilit heq dorë nga prania e tij në sallë, që do të thotë se as në seancën e së enjtes ai nuk do të jetë i pranishëm në gjykatore.
Dëshmitari i tetë i Zyrës së Prokurorit të Specializuar me kodin 04323 në gjykimin ndaj Thaçit dhe të tjerëve dëshminë e tij e ka nisur ditën e hënë.
Në seancën e së martës ndaj ish-krerëve të Ushtrisë Çlirimtare të Kosovë nga Specialja është pranuar si provë dokumenti me listën e emrave të disa individëve që pretendohet se janë viktima në rastin e tyre.
Sipas trupit gjykues, i udhëhequr nga gjykatësi Charles Smith, ZPS-ja ka ofruar për pranim një dokument i cili përmban një listë emrash të individëve të identifikuar si “bashkëpunëtorë nga rajoni i Podujevës”.
Por, që pranimi i këtij dokumenti është kundërshtuar nga mbrojtja me arsyetimin se nuk ka themelësi.
Edhe seancat e kaluara në Gjykatën Speciale në Hagë kanë qenë të mbyllura për publikun.
Para kësaj seance, e fundit në Hagë ishte mbajtur ndaj Pjetër Shalës më 6 qershor, ku dëshmitari i shtatë kishte dhënë deklaratën e tij, por në seancë private.
Dëshmitari i tetë: Në zonën operative të Llapit kemi qenë pothuajse 200 ushtarë
Dëshmitari i tetë: Në zonën operative të Llapit kemi qenë pothuajse 200 ushtarë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbrojtja e Selimit i kërkoi trupit gjykues ta paralajmërojë Prokurorinë të mos ndikojë në dëshmitarë
-
Halim Berisha, dëshmitari i radhës në rastin e ish-krerëve të UÇK-së në Hagë
-
Dëshmitari i 86-të në Speciale dëshmon në seancë të mbyllur
-
Specialja i largon 11 dëshmitarë dhe shtatë të tjerë dëshmojnë me shkrim ndaj ish krerëve të UÇK-së
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke