Kampioni i kikboksit, Vitaly Merinov ka vdekur duke luftuar në Ukrainë në moshën 32-vjeçare.
Ukrainasi u vra në vijën e frontit në luftën me Rusinë. Sipas kryetarit të bashkisë së Ivano-Frankivsk, Ruslan Martsynkiv, Merinov vdiq në spital më 31 mars.
“Gjatë një prej përleshjeve, Vitaly mori një plagë me armë zjarri në këmbë. Ai u shërua dhe u kthye përsëri në front dhe mbrojti Ukrainën deri në frymën e fundit”, theksoi Martsynkiv.
“Ai ka lënë pas një grua dhe një vajzë dyvjeçare. Ngushellime te sinqerta familjes dhe të dashurve. I përjetshëm kujtimi Heroit!”, shtoi ai.
Merinov ishte katër herë kampion bote në kikboks dhe besohet se është regjistruar në ushtri në ditën e parë të pushtimit në shkallë të gjerë në shkurt 2022.
Vitaly ishte gjithashtu kampion kombëtar në MMA dhe fitoi titullin mjeshtër i sportit në boks.
Ministri i Sportit të Ukrainës, Vadym Huttsait, zbuloi se lufta ka marrë jetën e 262 atletëve ukrainas.
Një tjetër kampion boksi, Maksym Galinichev ndërroi jetë javën e kaluar në vijën e frontit. Ai ishte një kampion evropian në moshën 22-vjeçare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Izraeli po e torturon Marwan Barghoutin, Mandela palestinez tashmë nuk njihet
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin