Qendra historike e qytetit port ukrainas të Odesa-s është caktuar si një sit i rrezikuar i Trashëgimisë Botërore nga agjencia kulturore e Kombeve të Bashkuara/
Kjo, pavarësisht kundërshtimit rus.
Sipas UNESCO-s, vendimi njeh “vlerën e jashtëzakonshme universale” të sitit.
Por Rusia e ka kritikuar masën, duke thënë se ishte “e motivuar politikisht”.
E njohur si perla e Detit të Zi, Odesa është bombarduar disa herë që kur Rusia pushtoi Ukrainën.
Vitin e kaluar, banorët nxituan të mbrojnë monumentet dhe ndërtesat e qytetit duke i mbuluar me thasë rëre.
Drejtoresha e përgjithshme e UNESCO-s Audrey Azoulay, ka thënë se përcaktimi i qytetit si një vend i Trashëgimisë Botërore ishte një hap i rëndësishëm.
“Fillimisht ishte një aspekt simbolik që është të thuash se ky qytet i përket trashëgimisë botërore, na shqetëson të gjithëve, të gjithë po e shikojmë, të gjithë e shohim dhe njohim historinë e tij dhe kontributin e tij në trashëgimi”, ka thënë ajo.
Dhe se tashmë ky është një aspekt simbolik i rëndësishëm.
Për vendimin, Azoulay ka thënë nënkupton gjithashtu se të gjithë anëtarët e konventës, përfshirë Rusinë, do të kenë detyrimin “të mos sjellin shkatërrim të qëllimshëm” në sitin e Trashëgimisë Botërore.
Po ashtu pjesë të Odesa-s u shtuan në listën e Trashëgimisë Botërore në Rrezik, për të cilën UNESCO ka thënë se i jep qytetit akses në asistencë teknike dhe financiare.
Këtë të fundit Ukraina “mund ta kërkojë për të siguruar mbrojtjen e pronës dhe, nëse është e nevojshme, për të ndihmuar në rehabilitimin e saj”.
Sakaq, Presidenti ukrainas Volodymyr Zelensky e përshëndeti vendimin, duke thënë se ai ishte “mirënjohës ndaj partnerëve që ndihmojnë në mbrojtjen e perlës nga sulmet e pushtuesve rusë”.
Gjithashtu shtatë vende të tjera në Ukrainë janë shtuar në Listën e Trashëgimisë Botërore të UNESCO-s, duke përfshirë Katedralen e Shën Sofisë në kryeqytetin Kiev dhe qendrën historike të qytetit perëndimor të Lviv-it.
Marrë nga “BBC”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si ia futën kot Osmani e Haxhiu për “padinë për gjenocid në Strasburg”, juristët përqeshin presidenten e ministren
-
Mbledhja e Këshillit Bashkiak, miratohet dhënia e titullit “Qytetar Nderi” për Ali Ahmetin
-
Trump: Netanyahu me të drejtë është kritikuar për sulmin e 7 tetorit
-
Qeveria dhe MCC lansojnë programin “Kompakt” për përmirësimin e sektorit të energjisë
Lajmet kryesore
-
Ekskluzive: Liburn Aliu e Naser Hafizi ia mbyllin kompanisë “Arbëria – Uji Alpet” borxhin prej 2.2 milionë eurove për vetëm 23 mijë euro
-
Veliaj: Analistët më sulmojnë se nuk u kam realizuar favoret e kërkuara
-
Zemërimi i të pafavorizuarve të Evropës – një votë në 3, pre e sovranistëve
-
BBC pyet Kurtin: Pse e latë Radoiçiçin të lirë kur e kishit rrethuar?