Fondi Ndërkombëtar i Zhvillimit, i cili u krijua nga qeveritë e Organizatës së Vendeve Eksportuese të Naftës (OPEC) gati 50 vjet më parë, ka mbledhur 1 miliard dollarë duke shitur bonot e tij të para.
Lajmi bëhet i ditur nga agjencia “Reuters”.
Vërehet se paratë do të drejtohen për sigurinë ushqimore, kujdesin shëndetësor, infrastrukturën, arsimin, punësimin dhe projektet në fushën e energjisë së rinovueshme.
Obligacionet trevjeçare, mbi të cilat investitorët do të marrin – 4.5 për qind, do të klasifikohen gjithashtu si obligacione për “zhvillimin e qëndrueshëm”.
Është një etiketë që ka tërheqje në rritje për investitorët që po kërkojnë gjithnjë e më shumë të përdorin burimet e tyre në mënyra më të dobishme për mjedisin dhe shoqërinë.
Martina Mills Jansen, kreu i departamentit të financimit të Fondit OPEC, tha se bankat qendrore nga Lindja e Mesme, Evropa dhe Azia dhe lloje të tjera të institucioneve “zyrtare”, përfshirë nga Shtetet e Bashkuara, përbënin 62 për qind të blerësve të bonove.
Bankat komerciale përbënin një tjetër 19 për qind, kompanitë e administrimit të aktiveve, fondet e sigurimeve dhe pensioneve – pothuajse çdo gjë tjetër.
Gjeografikisht, 52 për qind e blerësve ishin nga rajoni EMEA, 27 për qind nga rajoni Azi-Paqësor dhe 21 për qind nga Amerika e Veriut.
Një nga kushtet e Fondit është që ai të investojë vetëm në vendet jashtë OPEC-ut.
Fillimisht fondi planifikoi të shiste bonot vitin e kaluar, por i anuloi ato plane kur një rritje globale e normave të interesit e nxitur nga inflacioni dhe lufta në Ukrainë tronditi tregjet e financimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qoku me akuza rënda për liderët e “Frontit Evropian”: E kanë Vuçiçin, ne kemi Albinin
-
Izraeli mësyn Rafahun, ka pasur shpërthime të shumta
-
Erdogan i kërkon Perëndimit të bindë Izraelin të pranojë armëpushimin
-
Taravari, simpatizantëve të “VLEN-it: Pata ofertë nga Ahmeti, zgjodha të jem me ju – bashkëpartiakët e mi s’munden ta refuzojnë
Lajmet kryesore
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Hamasi pranon armëpushimin për Gazën, Izraeli jo