Kryeministri i Shqipërisë, Edi Rama, deklaroi se vendi ynë po e mban nën kontroll inflacionin.
Kjo, e krahasuar me vendet e tjera dhe rajonin.
Lajmi u bë i ditur gjatë konferencës së përbashkët online me qytetarët dhe gazetarët.
“Duhet të themi që inflacionin Shqipëria po e mban nën një kontroll krahasuar me vendet e tjera”, u shpreh fillimisht Rama.
Sipas tij, kur vjen fjala te çështja e rritjes së pensioneve, asnjëherë nuk është mjaftueshëm.
“Sado t’i ngremë pensionet asnjëherë nuk do të mund t’ia themi vetes, pensionistëve jo e jo, që kemi bërë mjaftueshëm. Por fakt është se ne kemi ndërhyrë për të parën herë në gjithë këto vite për të indeksuar pensionet dy herë brenda një viti”, shtoi kreu i qeverisë shqiptare.
Për kryeministrin, nëse i referohemi numrave kemi një rritje afër 10 për qind të pensioneve.
“Këtë e kemi bërë për të ndihmuar pensionistët për të përballuar inflacionin në ushqimet bazë”, vërejti Rama.
I matur me metodologjinë e Eurostat, inflacioni në Shqipëri për muajin korrik rezultoi 7.2% ose 0.3% me pak se, matjet nga metodologjia kombëtare.
Kështu ka raportuar Instituti i Statistikave (INSTAT), i cili thotë se ndryshimi vjetor i matur nga indeksi i Harmonizuar i Çmimeve të Konsumit në muajin korrik 2022 është 7.2%.
Rritja më e madhe e çmimeve prej 14.5% u vërejt në grupin “Transport”, pasuar nga grupet “Ushqime dhe pije joalkoolike” me 12.4%.
Inflacioni i muajt që lamë pas ishte në mesataren e Eurozonës 9.8%.
Referuar të dhënave, Shqipëria renditet në mesin e pesë vendeve me inflacionin më të ulët. Në muajin qershor, inflacioni mesatar në Evropë ishte 9.8%.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel