Komisioneri i Komisionit Federal të Komunikimeve (FCC) në SHBA kërkon që kompanitë teknologjike Apple dhe Google të heqin TikTok-un nga dyqanet e tyre të aplikacioneve.
Kjo, për shkak të shqetësimeve për sigurinë kombëtare që rrethojnë kompaninë mëmë të TikTok-ut me bazë në Kinë, “ByteDance”.
Në një letër të datës 24 qershor drejtuar drejtorëve ekzekutiv (CEO) të Apple dhe Google, komisioneri i FCC, Brendan Carr, e përshkroi ByteDance-n si “të varur” nga qeveria kineze dhe “i kërkohet me ligj që të pajtohet me qeverinë kineze”.
Duke cituar një raport të fundit të medias amerikane BuzzFeed News se stafi kinez i ByteDance kishte hyrë në të dhënat e përdoruesve të TikTok në SHBA në shumë raste, Carr tha se akuzat treguan se si TikTok “nuk u përputhet politikave që të dyja kompanitë kërkojnë që çdo aplikacion t’u përmbahet”.
Në një deklaratë, TikTok e quajti raportin e BuzzFeed “mashtrues”.
Për vite me radhë, zyrtarët amerikanë kanë shprehur shqetësime se qasja e qeverisë kineze në të dhënat ose komunikimet e përdoruesve amerikanë mund të rrezikojë sigurinë kombëtare.
FCC nuk luan asnjë rol në rregullimin e shërbimeve të bazuara në internet, siç janë dyqanet e aplikacioneve, dhe përpjekjet e mëparshme të qeverisë amerikane për të ndaluar TikTok nga dyqanet e aplikacioneve amerikane kanë dështuar mes sfidave gjyqësore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush është Ilya Sutskever, shkencëtari i shkëlqyer që u largua nga OpenAI
-
Si e ktheu inteligjenca artificiale një YouTuber-e ukrainase në ruse?
-
Mustafa Suleyman: AI do të na bëjë të pasur, por nëse i bëjmë gjërat siç duhet
-
OpenAI konsideron të lejojë përdoruesit të krijojnë pornografi të krijuar nga AI
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Tani Netanyahu është i rrethuar nga gjeneralët dhe vendi është me Ushtrinë
-
Osmani: Rusia përmes satelitit të saj Serbisë paraqet rrezik aktiv për de-stabilizim të rajonit