Abortet në Texas rifillojnë pas vendimit të gjykatës

Disa klinika të abortit në Texas janë rihapur, të premten e 7 tetorit, mes frikës se një vendim gjykate që bllokoi ndalimin e përgjithshëm të abortit të shtetit mund të jetë “jetëshkurtër”.

Klinika të tjera kanë raportuar se shqetësimet për paditë i kanë penguar ata të rihapen.

Të mërkurën, një gjykatës amerikan bllokoi përkohësisht ligjin e ri, i cili, në fakt, ndalon gratë të abortojnë.

Zyrtarët e Texas-it apeluan kundër vendimit, duke vendosur terrenin për betejat e mëtejshme gjyqësore në muajt e ardhshëm.

Ligji ndaloi shumicën e aborteve në shtetin e dytë më të populluar të SHBA-së dhe deri më tani po përballej me një valë sfidash.

Ofruesi i kujdesit për abortin “Whole Woman’s Health”, i cili drejton katër klinika në Texas, tha se tashmë kishte rifilluar ofrimin e kujdesit për abortin të enjten.

Duke folur me gazetarët, “Amy Hagstrom Miller”, themeluesja e firmës tha se kishte pasur një rritje të menjëhershme të hetimeve nga pacientët që kërkonin aborte pas vendimit të gjykatës federale.

Vendimi i gjyqtarit të rrethit Robert Pittman – prej 113 faqesh – në fillim të kësaj jave miratoi një kërkesë nga Departamenti i Drejtësisë së presidentit amerikan Joe Biden për të parandaluar zbatimin e ligjit ndërsa ligjshmëria e tij po sfidohej.

Kjo është pengesa e parë ligjore për Texas-in që kur ligji – i cili u hartua dhe miratua nga politikanët republikanë – u zbatua.

Ligji në mënyrë efektive ndalon abortet në javën e gjashtë të formimit të fetusit, në një kohë kur shumica e grave nuk janë të vetëdijshme se janë shtatzënë.

Pavarësisht urdhrit, disa klinika mbeten në mëdyshje për të rifilluar procedurat, pasi ka paqartësi nëse ato mund të paditen në mënyrë retroaktive nëse ligji rivendoset.

Ligji i diskutueshëm mund të zbatohet nga çdo individ nga Texas-i ose diku tjetër, duke u dhënë njerëzve të drejtën të padisin mjekët që kryejnë një abort pas pikës gjashtë javore.

Sidoqoftë, gratë që marrin procedurën nuk mund të paditen.

Sipas ekspertëve ligjorë, ligji përfshin një dispozitë që përcakton klinikat dhe mjekët mund të jenë akoma përgjegjës për abortet e kryera, ndërsa ekziston një urdhër urgjence.

Mbetet e paqartë nëse një dispozitë e tillë mund të zbatohet, pas vendimit të gjyqtarit Pittman.

Miller tha se si pacientët, ashtu edhe stafi në “Whole Woman’s Health”, ishin të shqetësuar për mundësinë e padive prapavepruese.

Klinikat e tjera të abortit thanë se po merrnin një qasje të kujdesshme për të rifilluar shërbimet e kujdesit për abortin.

Burimet brenda degës së “Planned Parenthood’ në Texas-in e Jugut – e cila operon shtatë klinika në San Antonio dhe Luginën Rio Grande – thanë se ishte e paqartë kur ata do të rifillonin ofrimin e kujdesit për abortin.

Ndër faktorët që parandalojnë një rifillim të menjëhershëm të shërbimeve, thanë burimet, janë shqetësimet në lidhje me paditë prapavepruese së bashku me mundësinë e traumave për pacientët që mund të marrin një takim, ndërkohë që urdhri urgjent është në vend, por janë të detyruar të anulojnë më vonë.

Mbështetësit e ligjit kanë kritikuar ashpër vendimin e gjyqtarit.

Grupi kundër abortit “Texas Right to Life”, ka akuzuar gjyqtarët për “furnizim me industrinë e abortit” dhe bënë thirrje për një “seancë të drejtë” në fazën tjetër.

Ligji i Texas-it u hartua posaçërisht me qëllimin për ta bërë më të vështirë për klinikat të marrin urdhra nga gjykata federale që bllokojnë zbatimin e ligjit.

Në vend që të krijojë dënime penale për abortet e kryera, pasi të zbulohet një rrahje zemre e fetusit, Legjislatura e Texas-it ka ngarkuar qytetarët privatë të zbatojnë ligjin duke sjellë procese gjyqësore private kundër klinikave – dhe këdo tjetër që ndihmon një grua në marrjen e një aborti pas gjashtë javësh.

Që kur ligji hyri në fuqi, klinikat në Texas kanë ndaluar ofrimin e aborteve pas gjashtë javësh – ose janë mbyllur fare.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.