![](https://albanianpost.com/wp-content/uploads/2023/09/gbfn-bvhn-b.png)
Ministria e Jashtme franceze ka bërë me dije se një nga zyrtarët e saj është arrestuar në Niger.
Ndaj ka bërë thirrje që junta ta lirojë atë menjëherë.
Oficerët ushtarakë në Niger rrëzuan presidentin e zgjedhur Mohamed Bazoum në korrik.
Më vonë urdhëruan zyrtarët francezë të largoheshin nga vendi – një urdhër që Franca ka refuzuar ta dëgjojë, duke thënë se junta nuk është autoriteti legjitim i vendit.
Ministria ka njoftuar se Stephane Jullien, këshilltar për qytetarët francezë jashtë vendit, u arrestua të premten e kaluar.
Po ashtu ka bërë thirrje për “lirimin e menjëhershëm të tij”.
Presidenti francez Emmanuel Macron ka thënë se ambasadori i Francës do të qëndronte në postin e tij në Niger, pavarësisht se i kërkuan të largohej.
Duke iu drejtuar ambasadorëve në gusht, Macron hodhi poshtë shqetësimet se qëndrimi ndaj juntës mund të ishte i rrezikshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com