Ngrënia e sasive më të mëdha të ushqimeve dhe pijeve ultra të përpunuara, veçanërisht nëse ato produkte janë të ëmbëlsuara artificialisht, mund të lidhet me zhvillimin e depresionit.
Të paktën kështu rezulton nga gjetjet e një studimi të ri.
Studimi sugjeron një lidhje midis konsumit të ushqimeve ultra të përpunuara dhe depresionit, me një rrezik rreth 50 për qind më të lartë për ata që konsumojnë 9 porcione në ditë, krahasuar me ata që konsumojnë 4 ose më pak.
Ushqimet ultra të përpunuara përfshijnë supa të parapaketuara, salca, pica të ngrira, ushqime të gatshme për t’u ngrënë dhe ushqime të këndshme si hot dog, patate të skuqura, pije të gazuara, biskota të blera në dyqan, ëmbëlsira, karamele, akullore, si dhe shumë ushqime dhe pije të tjera që përmbajnë ëmbëlsues artificialë.
“Studimi ynë u fokusua në lidhjen midis ushqimeve dhe rrezikut të mëvonshëm të zhvillimit të një episodi të ri depresioni”, ka thënë bashkëautori i studimit Andrew T Chan.
“Sidoqoftë, ekziston gjithashtu mundësia që për individët me depresion kronik, ushqimi ultra i përpunuar mund të përkeqësojë gjendjen e tyre”, ka shtuar Chan.
Kur studiuesit panë ushqime specifike të ultra-përpunuara, të njohura gjithashtu si UPF, vetëm ushqimet dhe pijet e bëra me ëmbëlsues artificialë u shoqëruan me një rrezik në rritje të depresionit te njerëzit e studiuar, të gjitha gra.
“Ky është një zbulim interesant pasi sugjeron se lidhja midis marrjes së UPF-ve dhe depresionit drejtohet nga një faktor i vetëm – ëmbëlsuesit artificialë”, ka thënë ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ilaçi për kancerin e gjirit ndihmoi në vonimin e rikthimit të sëmundjes
-
Hipertensioni: Dritë jeshile për kafe, nuk e rrit presionin në një kohë të gjatë
-
Truri i adoleshentëve është “plakur” për shkak të traumave të pandemisë
-
Bananet, tërshëra dhe kosi lidhen me rrezikun më të madh të diabetit te fëmijët
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel