![](https://albanianpost.com/wp-content/uploads/2024/06/Kuttner-on-Tap-022324.jpg)
Ish-kryeministri i Britanisë së Madhe, Tony Blair, do ta vizitojë Kosovën.
Në një njoftim për mbledhjen e së enjtes nga Kuvendi i Kosovës, është bërë e ditur se në rend dite të mbledhjes së Kryesisë së Kuvendit pikë e parë do të jetë caktimi i seancës solemne për adresimin e Tony Blairit deputetëve të Kosovës.
“Caktimi i Seancës solemne për adresimin e ish Kryeministrit të Britanisë së Madhe, SH. T. Z. Tony Blair, deputetëve të Kuvendit të Republikës së Kosovës”, thuhet në këtë pikë të rendit të ditës.
Nuk dihet dita e saktë e vizitës së tij.
Blair konsiderohet një nga zërat më mbështetës të Kosovës gjatë luftës së fundit në vend.
Ai ka qenë kryeministër i Britanisë së Madhe në kohën e bombardimeve të NATO-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com