Deri sa grupi A deri në D luan ndeshjet në orën 18:45, E deri në H luajnë ndeshjet në orarin e mbrëmjes, orën 21:00.
Sikur ndeshjet e hershme, edhe këto premtojnë spektakël.
GRUPI E:
Në grupin E, Lazio do tentojë të lë prapa ndeshjen e parë, të cilën e humbi 1-0 nga Galatasaray.
Në “Olimpico”, ata presin Lokomotivën e Moskës.
Këta të fundit, e barazuan ndeshjen e parë përbllë Marseille-s.
Marseille, në anën tjetër, luan në “Velodrome” përballë Galatasaray-t.
GRUPI F:
Në grupin F, Red Star Belgrade që fitoi ndeshjen e parë, udhëton te Ludogorets-i.
Në ndeshjen tjetër të këtij grupi, luan Braga.
Portugezët do të tentojnë të lënë prapa humbjen e ndeshjes së parë, deri sa presin danezët e Midtjylland.
GRUPI G:
Real Betis dhe Bayer Leverkusen synojnë të vazhdojnë formën e mirë.
Të parët, udhëtojnë në Hungari ku përballen me Myrto Uzunin.
Aty i pret Ferencvaros, që u eliminua në raundin e fundit të kualifikimeve për Champions.
Kurse, Leverkusen-i udhëton në Skoci për t’u përballur me Celtic-un.
GRUPI H:
Në këtë grup, West Ham dhe Genk janë skuadrat që kërkojnë fitoret e dyta.
West Ham luan ndeshjen e parë si vendase, ku mysafirë të tyre do jenë skuadra austriake, Rapid Vienna.
Belgët, në anën tjetër, përballen me Dinamo Zagreb-in.
Kështu mbyllet edhe java e dytë e ndeshjeve në Europa League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë