Tenderi 300 MW diellor i Shqipërisë tërheq ofertën më të ulët prej 0,0397 €/kWh

Ministria e Infrastrukturës dhe Energjisë e Shqipërisë tha se ka përzgjedhur nëntë ofertues për një tender 300 megavat/orë që filloi në janar.

Në të morën pjesë 14 kompani dhe bashkime operatorësh shqiptarë dhe të huaj.

Autoritetet shqiptare vendosën një çmim tavan prej 0,05997 €/kWh për ankand. Zhvilluesit të përzgjedhur do t’i jepet një kontratë 15-vjeçare për diferencën (CfD).

Në një ushtrim të mëparshëm prokurimi në vitin 2021, autoritetet shqiptare i caktuan Voltalia-s një projekt diellor prej 100 MW.

Kompania franceze ka paraqitur ofertën më të ulët prej 0,02989 €/kWh. Voltalia fitoi gjithashtu një tender për një projekt PV 140 MW në Karavasta i cili u finalizua në vitin 2020. Kompania franceze solare e siguroi projektin me një ofertë prej 0,02489 €/kWh.

Kapaciteti kumulativ i instaluar FV i vendit ishte vetëm 163 MW në fund të vitit 2022, sipas statistikave më të fundit nga Agjencia Ndërkombëtare e Energjisë së Rinovueshme.

Ndërtimi i sistemit me kapacitet 140 mega ka filluar reth dy vite më parë. Veçanërisht, në prill kompania mori një kredi sindikale nga një grup i udhëhequr nga International Finance Corp (IFC) dhe Banka Evropiane për Rindërtim dhe Zhvillim (BERZH).

Investitorët në pritje të ankandit të ardhshëm të energjisë diellor

Karavastaja ndodhet në qendrën në zhvillim të energjisë diellore të Shqipërisë në Divjakë, në perëndim. Vlera e projektit është 135 milionë euro.

Voltalia fitoi një marrëveshje afatgjatë të blerjes së energjisë elektrike, duke fituar një ankand të sponsorizuar nga shteti tre vjet më parë. Ajo doli në krye edhe në konkursin e mëposhtëm, në vitin 2021.

Kontrata e dytë është për një projekt të energjisë diellore 100 megawatt, të quajtur Spitalla, në zonën e Durrësit, pranë kryeqytetit.

Investitorët presin një thirrje publike për një ankand të energjisë diellore 300 megawatt, që nuk do të jetë specifike për vendndodhjen. Shqipëria kohët e fundit kaloi në procedurën e parë konkurruese të tenderit për energjinë e erës.

Karavastaja mund të humbasë vendin e parë në Ballkanin Perëndimor para kohe

Hidrocentralet përbëjnë ende pothuajse 100% të prodhimit të energjisë elektrike në Shqipëri.

Qeveria po punon për diversifikimin e përzierjes me energjinë diellore dhe lehtësimin e ndërtimit të parqeve të saj të para me erë dhe termocentraleve me gaz. Të paktën dy sisteme të tjera të mëdha fotovoltaike janë në ndërtim e sipër në Shqipëri.

Disa nga projektet PV që investitorët në Ballkanin Perëndimor po zhvillojnë maten në qindra megavat, megjithëse shumica janë në fazat e hershme.

Karavastaja kështu mund të humbasë edhe pozitën e saj në top listë shumë shpejt. Ka termocentrale diellore në ndërtim e sipër në Bosnje dhe Hercegovinë dhe Kosovë, prej 150 megawatt, secili në kapacitet maksimal.

Në rajonin më të gjerë të Ballkanit, termocentrali diellor Kalyon Karapınar, i vënë në punë së fundmi në Turqi, ka një rekord 1.35 gigawatt në kapacitet maksimal ose 1 gigawatt në terma të lidhjes.

Pra, nëse përllogaritet edhe Turqia në lojë, Karavastaja qëndron shumë poshtë këtij projekti në terma të prodhimit.

Por, sërish, është një investim i madh në sektorin energjetik shqiptar, pjesë edhe e projektit të eksportimit neto të energjisë brenda vitit 2030, gjë që do ta bënte Shqipërinë të parin vend të vetëmjaftueshëm dhe madje me tepri të energjisë në rajonin e Ballkanit Perëndimor.

Po ashtu për t’u vlerësuar është fakti se Shqipëria është ndër të paktat vende jo vetëm në Ballkan, por në gjithë Evropën, që resurset energjetike i ka të rinovueshme (të gjelbra), pasi bazohet tek burimet hidrologjike, diellore dhe eolike, e jo te hidrokarburet.

Hapet ankandi Fotovoltaik Hibrid, Balluku: Respektoni afatet kohore

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.