Përballje

Super Tottenham, katër gola për të zhytur edhe më thellë Leeds-in


Tottenham ka arritur një fitore të madhe në “Elland Road” përballë Leeds United.

Skuadra e drejtuar nga Conte ishte sulm i kritikave pas humbjes ndaj Burnley-t dhe atyre iu përgjigj si është më së miri.

Në vizitën te Leeds United e zhytur në krizë, Tottenham fitoi me shumë lehtësi.

Leeds që vinte pas gjashtë golave të pësuar në “Anfield”, e kishte shumë të vështirë që të luante në mbrojtje.

Kjo u pa menjëherë.

Ishte Matt Doherty ai që gjeti golin e parë me fanellën e gjelave pas asistimit nga Ryan Sessegnon.

Vetëm pesë minuta më vonë, po i njëjti, Doherty, ishte asistues te goli i Dejan Kulusevski.

Harry Kane që po kalon një formë të jashtëzakonshme, shënoi golin e tretë për të vrarë në total shpresat e Leeds United.

Në pjesën e dytë, gjelat e kontrolluan lojën shumë mirë, duke mos rrezikuar asnjëherë që të pësojnë.

Pesë minuta para fundit, ishte Heung-Min Son ai që gjeti golin e katërt dhe përfundimtarin për fitoren 0-4.

Tottenham ngjitet në vendin e shtatë, me katër pikë më pak se vendi i katërt, por një ndeshje më shumë për të zhvilluar.

Leeds mbetet shumë e rrezikuar për mbijetesë, me 23 pikë – tri më shumë se vendi i 18-të.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore