![](https://albanianpost.com/wp-content/uploads/2024/08/KFO.jpg)
Një sondazh i Këshillit Rinor Kombëtar të Serbisë (KOMS) ka zbuluar se rreth 32 për qind e të rinjve serbë duan luftë kundër Kosovës, ndërsa vetëm 8.5 për qind besojnë se zgjidhja më e mirë do të ishte njohja e pavarësisë së Kosovës.
Rreth 22 për qind e të rinjve besojnë se duhet të ketë pajtim, ndërsa 18.4 për qind vlerësojnë se Kosova duhet të njihet por pas ripërcaktimit të kufijve në mënyrë që shumica e popullsisë serbe në Kosovë të mbetet brenda Serbisë.
Në pyetjen se pse Serbia nuk është bërë ende pjesë e Bashkimit Evropian (BE), rreth 63 për qind janë shprehur se kjo është rezultat i mosnjohjes së Kosovës. Sa i përket anëtarësimit, rreth 36 për qind kanë qëndrim negativ.
E në pyetjen nëse Serbia duhet të anëtarësohet në NATO një ditë, rreth 60 për qind e të rinjve serbë mendojnë se Serbia nuk duhet të ketë kurrfarë bashkëpunimi me NATO-n. Një e katërta e të anketuarve konsiderojnë se Serbia duhet t’i drejtohet Rusisë dhe Kinës, ndërsa vetëm 16 për qind besojnë se vendi duhet të mbështetet në Shtetet e Bashkuara të Amerikës (SHBA).
Ndryshe, rezultatet e sondazhit i kanë komentuar shumë analistë të huaj, përfshirë drejtorin e Iniciativës Evropiane për Stabilitet (ESI), Gerald Knaus, i cili ka thënë se kjo klimë militarise vjen për shkak të ngecjes në dialogun Kosovë-Serbi: “Kur do ta kuptojë BE-ja se politika aktuale ndaj Ballkanit Perëndimor është drejt dështimit dhe duke përgatitur terrenin për tragjedi?”.
Sondazhi: Serbia – kërcënimi kryesor për Kosovën, Shqipërinë dhe Bosnjën
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Haxhiu merr në mbrojtje ambasadorin Berishaj pas kërkesës së Osmanit: S’ka pasur pasurim të pabazë, as përfitim material
-
Maqedonci: S’kemi frikë nga kërcënimet e Vuçiç-it
-
Protestë në Veri, kërkohet lirimi i katër serbëve të arrestuar nga Policia
-
Hill: Kosova, një çështje shumë e vështirë për Serbinë
Lajmet kryesore
-
Ekskluzive: Ngritet aktakuzë për sulmin terrorist në Banjë
-
Berisha niset drejt SPAK: Ndihem më i motivuar se kurrë
-
Dosja e Gërdecit, Mediu kërkon ripërsëritjen e akt-ekspertimit të dëmit ekonomik
-
Haxhiu merr në mbrojtje ambasadorin Berishaj pas kërkesës së Osmanit: S’ka pasur pasurim të pabazë, as përfitim material