Skeleti i dinozaurit “Trinity” shitet për 6 milionë dollarë në ankand

Në një ankand të rrallë në Zvicër, një skelet Tyrannosaurus rex i quajtur Trinity – i përbërë nga kockat e tre T-Rexes të ndryshëm – është shitur për 6.1 milionë dollarë.

I vlerësuar të jetë 65 deri në 67 milion vjeç, skeleti pritej të kishte një çmim më të lartë pasi u nxor në shitje nga një individ anonim amerikan.

Ai u ble nga një koleksionist privat evropian i artit modern dhe relikeve në shtëpinë e ankandit Koller në Cyrih.

Shtëpia e ankandit Koller ka bërë me dije se ishte hera e parë në Evropë dhe vetëm hera e tretë në mbarë botën që një skelet i tërë T-Rex me cilësi të jashtëzakonshme u ofrua në ankand.

“Ishte një ankand i mrekullueshëm sepse ne shfaqëm Trinity për dy javë e gjysmë në sallën e koncerteve në Cyrih. Dhe kështu më shumë se 30 mijë vizitorë erdhën dhe admiruan Trinity”.

Koller shprehu optimizëm se megjithëse skeleti i ishte shitur një blerësi privat, ai do të mbetej në ekspozitë publike.

Skeleti është 3.9 metra i lartë, 11.6 metra i gjatë dhe 2.65 metra i gjerë. Më shumë se gjysma e kockave të skeletit janë origjinale, ndërsa pjesa tjetër është bërë nga gipsi dhe rrëshirë epokside.

Siç sugjeron emri i tij, Trinity përbëhet nga një skelet i përbërë prej 293 kockash nga tre dinosaurët – të gërmuar midis viteve 2008 dhe 2013 nga formacionet Hell Creek dhe Lance Creek në Montana dhe Wyoming.

Vendet janë të njohura për zbulimet e dy skeleteve të tjerë të rëndësishëm T-Rex që kanë dalë në ankand.

Pak më shumë se gjysma e materialit kockor në skelet vjen nga tre ekzemplarët e Tyrannosaurus – mbi nivelin 50 për qind të nevojshëm që ekspertët ta konsiderojnë një skelet të tillë si me cilësi të lartë.

Paleontologu i vertebrorëve Thomas Holtz – i cili është kundër shitjes së ekzemplarëve të tillë– ishte skeptik, duke këmbëngulur se Trinity “nuk është me të vërtetë një ‘shembull’ aq sa është një instalacion arti”.

Ai gjithashtu u kundërshtua me ankandet e skeleteve të rëndësishme të dinosaurëve dhe fosileve të tjera, të cilat janë grumbulluar në dhjetëra miliona dollarë vitet e fundit.

Ekspertët kanë paralajmëruar se një tregti e tillë mund të jetë e dëmshme për shkencën duke i vendosur ekzemplarët në duar private dhe jashtë mundësive të studiuesve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.